எரிகட்டி தயாரித்தல்

உயிர்மப்பொருள்களிலிருந்து எரிகட்டி தயாரித்தல்
நம் கிராமப்புறங்களில், ஒவ்வொரு பயிர் அறுவடைக்குப் பின்பும் அதிக அளவிலான வேளாண் கழிவுகள் எஞ்சி விடுகின்றன. பெரும்பாலான சமயங்களில், அறுவடைக்குப்பின் உள்ள வேளாண் கழிவுகள் வயலிலேயே எரிக்கப்படுகின்றன. கட்டைக்கரி தயாரிக்கும் தொழில்நுட்பங்களை பயன்படுத்தி எஞ்சிய வேளாண் கழிவுகளில் இருந்து எரிபொருள் உற்பத்தி செய்யலாம். இவ்வாறு செய்வதன் மூலம், மிக சிக்கனமான முறையில், சுற்றுச் சூழலுக்கு மாசுஏற்படாத வகையில் எரிபொருள் உற்பத்தி செய்யமுடியும். மேலும் இதன் மூலம் குடும்பத்திற்கு கூடுதல் வருமானம் கிடைக்கிறது.
எரிகட்டி ஆக்குதல் என்றால் என்ன?
குறைந்த இறுக்கம் உடைய உயிர்மப் பொருள்களைக் கொண்டு நன்கு இறுகிய, ஆற்றல் கொண்ட அடர்ந்த எரிபொருள்களை உருவாக்குவதே எரிகட்டி ஆக்குதல் ஆகும்.
செயல் முறை

எரிகட்டி தயார்செய்வதில் இரு முறைகள் உள்ளன.

1. நேரடி முறை
உயிர்மப் பொருள்களை நேரடியாக முழுமைபெறாத வெப்பமேற்றி, கட்டைகரி தயாரித்தல் நேரடி முறையாகும்.
2. மறைமுக முறை
இம்முறையில், உயிர்மப் பொருள்களை நேரடியாக வெப்பமூட்டாமல், அவற்றை காற்றில்லா கலனில் வைத்து ஒரு வெளிபுற வெப்ப மூலம் பயன்படுத்தி கரி கட்டை தயார் செய்யப்படும், இதன் மூலம் நல்ல தரமான, மாசில்லாத, குறைந்த புகையுடைய கரிகட்டை தயார்செய்யப்படும்.

MCRC யின் கரிகட்டை தயார்செய்யும் முறை

தேவைப்படும் பொருள்கள்
1. உள்ளுரில் கிடைக்கக் கூடிய உயிர்மப் பொருள்கள் (சவுக்கு கூழ்படிவுகள், கரும்பு சோகை, தவிடு, தேங்காய் மஞ்சி, கடலை பொட்டு போன்றவை).
2. கரியாக்கும் கலன்
3. பசை (மரவள்ளி கிழங்கு மாவு)
4. சிறு எரிகட்டி தயாரிக்கும் இயந்திரம் (மணிக்கு 10 கிலோ அளவில்)

எரிகட்டி தயாரிக்குக் செயல்முறை (படிப்படியாக

1. உயிர்மப் பொருள்களை தயார்செய்தல்
உள்ளுரில் கிடைக்ககூடிய உயிர்மப் பொருள்களை சேகரித்து, தரம்பிரித்து, சிறிய துண்டுகளாக வெட்டி வெயிலில் உலர்த்த வேண்டும்.
2. கரியாக்கம்
கலன் வடிவமைத்தல்
• வெளிப்புற தொட்டி
200 லிட்டர் அளவுடைய, மேல்பகுதி வெட்டப்பட்ட, கீழ்பகுதியில் 12” அகலம் ஜ் 10” உயரம் ஓட்டை உடைய உலோகத் தொட்டி. இரண்டு இரும்பு கம்பிகளை (8”) உலோகத் தொட்டியில் மேல் கீழாக பொருத்த வேண்டும். இது உள்ளே பொருத்தப்பட உள்ள ஸ்டீல் தொட்டியை தாங்குவதற்கு பயன்படுகிறது.
• உட்புற தொட்டி
100 லிட்டர் அளவுடைய ஸ்டெயின்லெஸ் ஸ்டீல் தொட்டி தேவைப்படுகிறது. இதற்கு நல்ல மூடியும், கீழ்பகுதியில் 3/8” என்ற அளவில் ஆறு ஓட்டைகளும் இருக்க வேண்டும்.
உயிர்மப் பொருள்களை கரியாக்கம் செய்தல்:
•உயிர்மப் பொருள்களின் அளவைப் பொருத்து அவற்றை உள்தொட்டியில் போட்டு 45 நிமிடம் முதல் 1 மணி நேரம் வரை எரிக்க வேண்டும்.
•பின்பு கரியாக்கம் செய்யப்பட்ட உயிர்மப் பொருள்களை உள்தொட்டியில் இருந்து சேகரித்து எடை போட வேண்டும். இம்முறையில் 30% கரிகட்டியை பெற முடியும்.
3. பசை தயாரிக்கும் முறை
கரிகட்டியை உறுதிப்படுத்த பசையை பயன்படுத்த வேண்டும்.
கரியாக்கம் செய்யப்பட்ட 100 கிலோ கரிகட்டிகளுக்கு, 5-6 கிலோ மரவள்ளி மாவை 60-100 லிட்டர் தண்ணீரில் கரைத்து தயார் செய்த பசைக்கலவையை பயன்படுத்த வேண்டும். (அங்ககப் பொருள்களின் அளவைப் பொருத்து).
4. கலக்குதல்
கரியாக்கம் செய்யப்பட்ட கரிப்பொடியை பசையுடன் நன்கு கலக்க வேண்டும். இதனால் நல்ல தரமுள்ள எரிகட்டியை தயார் செய்ய முடியும்.
5. எரிகட்டி தயார் செய்தல்
கரி கலவையிலிருந்து, இயந்திரம் கொண்டோ அல்லது கையாலே எரிகட்டி தயார் செய்யலாம். கரிகலவையை நேரடியாக எரிகட்டி தயார் செய்யும் இயந்திரத்தில் ஊற்ற வேண்டும்.
6. உலர்த்துதல் மற்றும் பாலித்தீன் பைகளில் அடைத்தல்
எரிகட்டிகளை சேகரித்து, வெயிலில் உலர்த்தி, பாலித்தின் பைகளில் போட்டு மூட வேண்டும்


எரிகட்டியின் பொதுவான பண்புகள்
ஈரப்பதம் : 7.1 - 7.8%
ஆவியாகக்கூடிய பொருள்கள் : 13.0 - 13.5%
நிலையான கரிமம் : 81.0 - 83.0%
சாம்பல் : 3.7 - 7.7%
சல்பர் : 0.0%
வெப்ப மதிப்பு : 7100-7300 கிலோ கேலரீஸ் \ கிலோ
அடர்த்தி : 970 கிலோ / செமீ3


இத்தொழில்நுட்பத்தின் நன்மைகள்
புகையின்மை : எரிகட்டிகளை பற்ற வைக்கும் போதும் எரிக்கும் போதும் புகை வராது.
2. அதிக நிலையான கரிமம் மற்றும் சூடு உண்டுபண்ணுகிற மதிப்பு : எரிகட்டியின் கரிம மதிப்பு 82%. அதன் வெப்பமூட்டும் மதிப்பு 7500 கிலோ கேலோரீஸ் / கிலோ.
3. குறைவான சாம்பல் அளவு : குறைவான சாம்பல் படிகிறது (கரி எடையில் 5% குறைவான அளவு).
4. நாற்றமின்மை : எரிகட்டியில் குறைவான அளவு ஆவியாகும் பொருள்கள் இருப்பதால் நாற்றம் ஏற்படுவதில்லை.
5. அதிகமான எரியும் நேரம் : சாதாரண கட்டைகள் எரியும் நேரத்தை விட இரண்டு மணி நேரம் அதிகமாக எரியும் தன்மை எரிகட்டிக்கு உண்டு.
6. பொறியின்மை : எரிகட்டியை எரிக்கும்போது தீப்பொறி வருவதில்லை.
7. குறைவான வெடிப்பு, நீடித்த உறுதி : வெடிப்புகள் குறைந்து உறுதியாக இருப்பதால் கரிகட்டிகள் நீண்ட நேரம் எரிகின்றன

நன்றி ; இந்திய முன்னேற்ற நுழைவாயில்

Read More

வேளாண் காப்பீட்டு திட்டம் விண்ணப்பிக்க நாளை கடைசி நாள்

தேசிய வேளாண் காப்பீட்டுத் திட்டங்களை அமலப்டுத்துவதற்கென மத்திய அரசு ‘இந்திய வேளாண் காப்பீட்டு நிறுவனம்’ என்ற தனி அமைப்பை நிறுவியுள்ளது. இந்நிறுவனம், வேளாண்மை மற்றும் அதனைச் சார்ந்த துறைகளுக்கான ஏனைய காப்பீட்டுத் திட்டங்களை அமைத்து அவற்றை அமல்படுத்தவுள்ளது.

திட்ட ஆதரவாளர்கள்

ஜெனரல் இன்ஸ்யூரன்ஸ் கார்ப்பேரசன் ஆப் இந்தியா - 35% பங்குதாரர்.
தேசிய வேளாண்மை மற்றும் கிராம மேம்பாட்டு வங்கி - 30% பங்குதாரர்.
நேசனல் இன்சூரன்ஸ் கம்பெனி லிமிடெட் - 8.75% பங்குதாரர்.
நியூ இந்தியாஅஷ்யூரன்ஸ் கம்பெனி - 8.75% பங்குதாரர்.
ஓரியண்டல் இன்சூரன்ஸ் கம்பெனி லிமிடெட்- 8.75% பங்குதாரர்.
யுனைடெட் இந்தியா இன்சூரன்ஸ் கம்பெனி லிமிடெட் - 8.75% பங்குதாரர்.
வளைதளம்: www.aicofindia.org


தேசிய வேளாண் காப்பீட்டு திட்டத்தில் நடப்பு 2007-2008 ஆம் ஆண்டில் சேருவதற்கு அனைத்து மாவட்டங்களிளும் நெல் பயிரிட்டுள்ள உழவர்கள் நாளைக்குள் ( 16/12/07 ) விண்ணப்பிக்களாம் . இதில் சேருவதற்கு மானியம் வழங்கப்படுகிறது.தவணைத் தொகை ஏக்கருக்கு ; ரூ:136 எனினும் குறு உழவர்கள் ரூ:63 ம் பிற உழவர்கள் ரூ:68 ம் செழுத்தினால் போதும்.

எனவே இத் திட்டத்தில் சேர விரும்பும் உழவர்கள், தங்கள் சேமிப்பு வங்கி கணக்கு வைத்துள்ள வங்கிகளில் தவணைத் தொகை செழுத்தி விண்ணப்பிக்கலாம்

இத்திட்டத்தின் முக்கிய அம்சங்கள்

1. திட்டத்தின்கீழ் வரும் பயிர்கள்

கீழே குறிப்பிடப்பட்டுள்ள பயிர் வகைகளில் ஏதாவது ஒன்றாக இருத்தல் வேண்டும். முந்திய வருடங்களில் ஆய்வு செய்யப்பட்ட மகசூல் விபரம் இருத்தல் வேண்டும்

உணவு பயிர்கள் (தானியங்கள், சிறுதானியங்கள், பயிர் வகைகள்)
எண்ணெய் பயிர்கள்
கரும்பு, பருத்தி, உருளைக்கிழங்கு (ஓராண்டு வணிக பயிர்கள் )
முந்தைய மூன்று வருட மகசூல் விபரம் உள்ள ஓராண்டு வணிக பயிர்கள் / ஓராண்டு தோட்டக்கலை பயிர்கள். அடுத்த ஆண்டு திட்டத்தின் கீழ் வரேவண்டிய பயிர்களை முந்தய ஆண்டு முடிவிலேயே குறிப்பிட வேண்டும்.

2.திட்டத்தில் வரும் மாநிலங்கள் இத்திட்டத்தை அனைத்து மாநிலங்கள் மற்றும் யூனியன் பிரேதசங்களுக்கும் நீட்டிப்பு செய்யலாம். மாநில அரசும், யூனியன் பிரேதசங்களும் இத்திட்டத்தில் சேரவேண்டுமெனில், தேர்வு செய்யப்பட்ட பயிர்களை அவ்வருடத்தில் பயிர்செய்ய வேண்டும்.
இத்திட்டத்தை தேர்வு செய்தபின் குறைந்த அளவாக மூன்று வருடத்திற்கேனும் தொடர
வேண்டும்.

3.காப்புறுதி திட்டத்தின் கீழ் வரும் விவசாயிகள்

குறிப்பிட்ட பயிர்களை குறிப்பிடப்பட்டுள்ள பகுதிகளில் பயிர் செய்யும் கூட்டு சாகுபடியாளர்கள், குத்தகைதாரர்கள் போன்ற அனைத்து விவசாயிகளும் இத்திட்டத்தின் கீழ் வருவர்.
பருவ கால வேலைகளுக்காக நிதி நிறுவனங்களிடம் இருந்து கடன் பெற்று குறிப்பிட்ட பயிர்களை சாகுபடி செய்யும் விவசாயிகள்
இத்திட்டத்தில் தன்னார்வத்துடன் சேர்ந்து, குறிப்பிடப்பட்டுள்ள பயிர்களை சாகுபடி செய்யும் விவசாயிகள்
4.அபாயங்களுக்கான காப்புறுதி
தடுக்கமுடியாத அபாயங்களால் ஏற்படும் மகசூல் இழப்பிற்கான காப்புறுதி (கீழ்கண்டவாறு)

தீ மற்றும் இடி தாக்கம்
புயல், ஆலங்கட்டி மழை, சுழல் புயல் காற்று, புயல் மழை
வெள்ளம், அளவுக்கு மீறிய நீர்வரத்து, நிலச்சரிவு
வறட்சி, மழையில்லா காலம்
நோய் / பூச்சி தாக்கம்
போர் மற்றும் அணுசக்தி அபாயங்களாலும் மற்ற பிற தடுக்கக் கூடிய அபாயங்களாலும் ஏற்படக்கூடிய நஷ்டங்களும் இதனுள் அடங்கும்.
5. காப்பீட்டுத் தொகை / வரம்பு
காப்பீடு செய்யப்பட்ட பயிரின் அதிகபட்ச மகசூல் மதிப்பின் அளவு வரையில் காப்பீட்டு தொகையை நீட்டிக்கலாம். மேலும் பயிரின் சராசரி மகசூலின் 150% காப்பீட்டு தொகையை, தவணைக் கட்டணமாக செலுத்தலாம்.

கடன் பெற்றுள்ள விவசாயிகள், குறைந்தேதனும் கடன் தொகைக்கு சமமாக காப்பீடு செய்ய வேண்டும்.
மேலும் கடனுதவி பெற்றுள்ள விவசாயிகளுக்கு காப்பீட்டு செலவுகள் அதிகம்.
பயிர்வாரி கடன் பெற்றவர்கள் ரிசர்வ் பேங்க் ஆப் இந்தியா மற்றும் நபார்ட் வங்கியின் விதிமுறைகளை பின்பற்ற வேண்டும்.

6.தவணைக் கட்டணத் தொகை எண்
பருவம்
பயிர்கள்
தவணைக் கட்டணம்

1.
காரிப் கம்பு மற்றும் எண்ணெய் பயிர்கள்
காப்பீட்டுத் ெதாகையின் 3.5% அல்லது குறிப்பிட்டுள்ள காப்பீட்டு கணக்கரின் கட்டண வீதம் (எது குறைவோ)

மற்ற பயிர்கள் (தானியங்கள், சிறு தானியங்கள், பயிர் வகைகள்)
காப்பீட்டுத் ெதாகையின் 2.5% அல்லது குறிப்பிட்டுள்ள காப்பீட்டு கணக்கரின் கட்டண வீதம் (எது குறைவோ)

2.
(ரபி) பின் பருவப் பயிர்
கோதுமை
காப்பீட்டுத் ெதாகையின் 1.5% அல்லது குறிப்பிட்டுள்ள காப்பீட்டு கணக்கரின் கட்டண வீதம் (எது குறைவோ)

மற்ற பயிர்கள் (தானியங்கள், சிறு தானியங்கள், பயிர் வகைகள்)
காப்பீட்டுத் ெதாகையின் 2.0% அல்லது குறிப்பிட்டுள்ள காப்பீட்டு கணக்கரின் கட்டண வீதம் (எது குறைவோ)

3.
காரீப் மற்றும் ரபி
ஓராண்டு வணிகப்பயிர்கள் / ஓராண்டு ேதாட்டக்கலை பயிர்கள்
குறிப்பிட்டுள்ள காப்பீட்டு கணக்கரின் கட்டண

· தானியங்கள், சிறுதானியங்கள், பயிர்வகைகள், எண்ணெய் பயிர்கள் ஆகியவற்றிற்கான விதிமுறைகளை ஐந்து வருடத்திற்கொரு முறை பரிசீலனை ெசய்யப்படும். மாநில அரசும், யூனியன் பிரேதசங்களும், காப்பீட்டுத்தொகையை மாவட்டம் / மண்டலம் / மாநில அளவில் நிர்ணயம் ெசய்கின்றன.

7. தவணை கட்டணச் சலுகை சிறு மற்றும் குறுநில விவசாயிகளுக்கு 50% தவணை கட்டணச் சலுகை வழங்கப்படுகிறது. இதனை மத்திய அரசும், மாநில அரசும் பகிர்ந்து கொள்கின்றன. திட்டத்தின் முதலாம் ஆண்டு பொருளாதார அமைப்பை பொருத்தும், விவசாயிகளின் பங்கேற்பை பொருத்தும் தவணைக் கட்டணச் சலுகை நிர்ணயம் செய்யப்படுகிறது.
சிறுநில விவசாயி

மாநில அரசின் உச்ச நில வரம்பு சட்டத்தின் படி 2 எக்டர் மற்றும் அதற்கு கீழ் வைத்திருப்போர்.

குறுநில விவசாயி
1 எக்டர் (2.5 ஏக்கர்) அல்லது அதற்கு கீழ் நிலம் வைத்திருப்போர்.

8.காப்புறுதி வழங்கப்படும் முறை
உச்சவரம்பு மகசூலை விட அவ்வருடத்தின் நடப்பு மகசூல் குறைவாக இருந்தால், அப்பகுதியில் காப்பீடு செய்த விவசாயிகள் அனைவரும், பாதிக்கப்பட்டோராக கருதப்பட்டு, அவர்களுக்கு ஈடான தொகை வழங்கப்படும்.
(மகசூல் பற்றாக்குறை / உச்சவரம்பு மகசூல்) ஜ் விவசாயியின் காப்பீடு தொகை மகசூல் பற்றாக்குறை = உச்சவரம்பு மகசூல் கிடக்கப்பெற்ற மகசூல் என்ற விதிப்படி ஈடாக கொடுக்கப்படும் தொகை கணக்கிடப்படும்.

9.சேதாரத்திற்கான ஈடு வழங்கப்படும் முறை குறிப்பிடப்பட்டுள்ள தேதிக்குள் கிடைக்கப்பெற்ற மகசூல் விபரங்களை கொண்டு, ஈடாகக் கொடுக்க வேண்டிய தொகை நிர்ணயம் செய்யப்பட்டு, விவசாயிகளுக்கு வழங்கப்படுகிறது.
சேதார ஈடுதொகைக்கான காசோலையும், விபரங்களும் அப்பகுதி வங்கிகளுக்கு அனுப்பப்படும் வங்கிகள் அவற்றை விவசாயிகள் வங்கி கணக்குகளில் வரவு வைத்துக் கொண்டு, பயனானிகளின் பெயர்களை செய்தி பலகையில் வெளியிடுகின்றன.
புயல், மழை, நிலச்சரிவு, புயல்காற்று, வெள்ளம் போன்றவற்றிற்கான ஈடு தொகை, (மாநிலம் / யூனியன் பிரதேசங்களின் கணக்கீடு) தனி விவசாயகளின் இழப்பை ஆராய்ந்த பின்னர் வழங்கப்படும்.
10.மறு காப்பீட்டுத் திட்டம் இன்சூரன்ஸ் அத்தாரிட்டி-யின் முயற்சி கொண்டு, சர்வேதச மறுகாப்பீட்டு சந்தையில், ஸிரிஙிசீ க்கான மறு காப்பீட்டு முறை வழங்கப்படும்.

தேவைப்படும் படிவங்கள்

கடனுதவி பெற்றுள்ள விவசாயிகளுக்கான அறிக்கை படிவம்

கடனுதவி பெறாதோருக்கான அறிக்கை படிவம்

கடன் பெறாதோருக்கான முன்மொழிவு படிவம்

NAISஇன் கீழ்வரும் அனைத்து பயிர் காப்பீட்டு விபரங்கள் பற்றிய பதிவேடுகள் / அறிக்கைகள்.

மேலும் தகவல் அறிய: காப்பீட்டுத் திட்டங்கள்

Read More

எரிசக்தியை சேமிக்க வேண்டுமா?

வீடுகளில்
தேவையில்லாத சமயங்களில் விளக்குகளை அணைத்துவிடுங்கள்
குழாய் மின் விளக்குள் மற்றும் பல்புகள் ஆகியவற்றிலும் அவை பொருத்தும் பொருள்களிலும் சேரும் தூசுக்களை அவ்வப்போது சுத்தம் செய்யுங்கள்
ஐ.எஸ்.ஐ., முத்திரையிட்ட மின்சார சாதனங்களையும், கருவிகளையுமே பயன் படுத்துங்கள்
குழாய் விளக்குகளையும், பல்புகளையும் அதன் வெளிச்சம் தடைபடாத இடத்தில் பொருத்துங்கள்
சிஃஎப்எல்களையே (சிதிலி) பயன்படுத்துங்கள்
எதனால் சிஃஎப்எல் களையே பயன்படுத்தவேண்டும்?
இன்கான்டசென்ட் (ஒளி இழைகள் சூடாவதால் வெளிச்சம் தருகிற) விளக்குகளான பல்புகளை விட ‘காம்பாக்ட் புளூரசண்ட்’ பல்பு மூன்றில் ஒரு பங்கு குறைவாக மின்சக்தியை, எடுத்துக் கொள்கின்றன. வெளியிடும் வெளிச்சமும் குறைவதில்லை. காம்பாக்ட் புளூரசண்ட் பல்புகள், இன்கான்டசென்ட் பல்புகள் அளிக்கும் வெளிச்சத்தைப் போலவே இதமாக இருக்கும். அதே சமயத்தில் 75% குறைவான மின்சாரத்தையே எடுத்துக்கொள்ளும்.

சி.எஃப்.எல்.-கள் சற்றே விலை கூடுதலானவையாக இருந்தாலும், அவற்றுக்கான முதலீடு பயனுள்ளது. அவை அளவில் சிறியவை. சிக்கனமானவை, அதிக வெளிச்சமும் கூடுதல் வண்ணத்தையும் தருபவை. சரியாகச் சொன்னால் 23 வாட் சக்தியுள்ள காம்பாக்ட் புளோரசென்ட் பல்பை 90 அல்லது 100 வாட் சக்தியுள்ள இன்கான்சென்ட் பல்பிற்குப் பதிலாகப் பயன்படுத்தலாம்.

ஒரு நாளைக்கு 4 மணிநேரங்களுக்கு மேலாக எரியும் விளக்குகள் உள்ள இடங்களில் காம்பாக்ட் புளோரசண்ட் பல்புகளை உபயோகியுங்கள். 75 வாட் சக்தியுள்ள இரண்டு பல்புகளுக்கு பதிலாக இரண்டு 15 வாட் புளோரசண்ட் பல்புகளைப் பயன்படுத்தினால் ஒரு வருடத்திற்கு 18 கிலோ வாட் மணிநேர சக்தியை மிச்சம் பிடிக்கலாம்.

சமையல்
எரிசக்தியைக் குறைவாக பயன்படுத்தும் அடுப்புகளைப் பயன்படுத்துங்கள்
சமைக்கும்போது, பாத்திரங்களை மூடிவைப்பதனால் சமைக்கும் நேரமும் எரிசக்தி உபயோகமும் குறைகிறது
சமைப்பதற்கு முன்னால் உணவுப் பொருட்களை ஊறவையுங்கள்.

மறுசுழற்சி மூலம் உருவாகும் தாள்களை பயன்படுத்துங்கள்

மறுசுழற்சித் தாள்களை, குறைவான இயற்கை வள ஆதாரங்களையும் குறைவான விஷத்தன்மையுள்ள வேதிப் பொருட்களையும் பயன்படுத்தித் தயாரிக்க முடிகிறது. வீனான தாள்களைக் கொண்டு செய்யப்படும் ஒரு டன் பேப்பர்

· பதினைந்து மரங்களைக் காப்பாற்றுகிறது

· 2500 கிலோ வாட் மணிகள் அளவுள்ள எரிசகக்தியை சேமிக்கிறது

· 20,000 லிட்டர் தண்ணீர் சேமிக்கப்படுகிறது

· 25 கிலோகிராம் அளவு மாசுகள் காற்றில் கலப்பது குறைகிறது.


விவசாயத்தில் எரிசக்தியைச் சேமிக்கும் முறைகள்

ஐ.எஸ்.ஐ. முத்திரையுள்ள பம்புகள் பயன் படுத்துவதன் மூலம் சிறியதும் பெரியதுமான பழுதுகளால் ஏற்படும் பாதிப்புகளைக் குறைத்து, பம்பின் திறனை 25% லிருந்து 35% வரை மேம் படுத்தலாம்
பெரிய வால்வு போடுவதால் கிணற்றிலிருந்து தண்ணீர் எடுக்கக் குறைவான எரிபொருளும், மின்சக்தியுமே தேவைப்படும் என்பதால் மின்சார, டீசல் உபயோகம் குறையும்
குழாய்களில் வளைவுகளும் இணைப்பான்களும் எந்த அளவிற்குக் குறைவாக உள்ளனவோ அந்த அளவுக்கு மின்சக்தியை அதிகமாகச் சேமிக்க முடியும்
குழாய்களில் சாதாரணமான வளைவுகளைக் காட்டிலும் கூர்மையான வளைவுகளால் தேய்மானம் 70% அதிகமாகும்
குழாயின் நீளத்தை 2 மீட்டர் குறைத்தால் ஒரு விவசாயி ஒவ்வொரு மாதமும் 15 லிட்டர் டீசலைச் சேமிக்க முடியும்
கிணற்றின் நீர்மட்டத்திற்கு மேல் 10 அடியைத் தாண்டாதவாறு பம்ப் பொருத்தப்பட்டால் அதன் திறன் அதிகரிக்கும்
தரமான பிவிசி உறிஞ்சு குழாயைப் பயன்படுத்துவதன் மூலம் 20% எரிபொருளையும், மின்சாரத்தையும் சேமிக்க முடியும்
உற்பத்தி நிறுவனத்தின் பரிந்துரைகளின்படி பம்ப்செட்டில் எண்ணெய் அல்லது கிரீஸைத் தொடர்ந்து உபயோகித்துவர வேண்டும்
மின்சக்தி உபயோகம், மற்றும் வோல்டேஜின் சரியான பயன்பாடு ஆகியவற்றிற்காக, ஐ.எஸ்.ஐ. முத்திரையிட்ட சரியான அளவிலான ஷண்ட் கெபாசிடர் மற்றும் மோட்டரைப் பயன்படுத்த வேண்டும். இதனால் மின்சாரத்தையும் சேமிக்க முடியும்
பமப்செட் அருகில் இருக்கும் விளக்கைப் பகல் நேரங்களில் அணைத்து வையுங்கள்

தகவல் ஆதாரம் : http://www.indg.in/rural-energy/technologies-under-rural-energy/energy-efficient-technologies/ake201afaco201e-abeisdiyea3u-aboa3eacue153

Read More

மின்சக்தியை சேமிப்போம்

தமிழகத்தின் மின் தட்டுபாட்டை போக்க நம்மாலான சிறு உதவி. மின்சக்தியின் உபயோகத்தைக் குறையுங்கள். செலவை மிச்சப்படுத்துங்கள் நாம் உபயோகப்படுத்தும் விளக்குகள், பல்புகள் மற்றும் எரிமின்சாதன வகைகள் மிக அதிகமாக மின்சாரத்தைச் செலவழிப்பதால் இந்தியாவில் குறைந்தபட்சம் 80% மின்சாரம் வீணாக்கப்படுகிறது.

சி.எஃப்.எல். (காம்பாக்ட் புளோரசண்ட் விளக்குள்) மிகக்குறைவான மின்சாரத்தை பயன்படுத்துவதால், மின்சார செலவைக் குறைக்கின்றன. அத்துடன் அதிக அளவு வெப்பத்தையும் வெளியிடுவதில்லை.

சி.எஃப்.எல். பற்றிய சில தகவல்கள்
ஒரு சி.எஃப்.எல். பல்பு, வழக்கமான பல்பைக் காட்டிலும் ஐந்து மடங்கு வெளிச்சத்தைத் தருகிறது
சிஎஃப்.எல். எரியும் நேரம் சாதாரண பல்பைவிட எட்டு மடங்கு அதிகம்
நீங்கள் 60 வாட்ஸ் சாதாரண பல்புக்கு பதிலாக 15 வாட்ஸ் சி.எஃப்.எல். பல்புகளை உபயோகித்தால், குறைந்தபட்சம் ஒரு மணிநேரத்திற்கு 45 வாட்ஸ் மின்சாரத்தை மிச்சப்படுத்த முடியும். ஒரு மாதத்திற்கு 11 யூனிட் மின்சக்தியைச் சேமிக்க முடியும். செலவையும் குறைக்க முடியும்.
சி.எஃப்.எல். பல்புகள் மூன்று முதல் 4 ஆண்டுகள்வரை எரிசக்தியை இழக்காமல் இருக்கும்.
விவரம்

பல்பின் விலை
60 வாட்ஸ் பல்புகள் ரூ. 10
15 வாட்ஸ் சி.எஃப்.எல் . ரூ. 116
சேமிப்பு -


வாட்ஸ்
60 வாட்ஸ் பல்புகள் 60
15 வாட்ஸ் சி.எஃப்.எல். 15
சேமிப்பு 45

எரியும் நேரம்60 வாட்ஸ் பல்புகள் 6 மாதங்கள், அதாவது 1000 மணிநேரம்
15 வாட்ஸ் சி.எஃப்.எல் . 4வருடங்கள் அதாவது 8000 மணிநேரம்

ஒரு வருடத்திற்கா மின்சார நுகர்வு
60 வாட்ஸ் பல்புகள் 115 யூனிட்
15 வாட்ஸ் சி.எஃப்.எல் 36 யூனிட்
சேமிப்பு 108 யூனிட்

ஒரு யூனிட் ரூ. 2.70 என்ற வீதத்தில் ஒரு வருடத்திற்கான செலவு
60 வாட்ஸ் பல்புகள் ரூ.396
15 வாட்ஸ் சி.எஃப்.எல் ரூ.99
சேமிப்பு ரூ.297

நான்கு வருடங்களுக்கான மொத்த செலவு
60 வாட்ஸ் பல்புகள் ரூ. 1624
15 வாட்ஸ் சி.எஃப்.எல் ரூ. 512
சேமிப்பு ரூ. 1112/


இதுபோன்று எரிசக்தியையும், மின்சாரத்தையும் நீங்கள் சேமித்தால், மின்சார வசதியே இல்லாத பல கிராமங்களுக்கு ஒளிதர முடியும்.


ஆதாரம்: ஆந்திரப் பிரதேச மரபு சாரா எரிசக்தி வளர்ச்சிக் கழகம் லிமிடெட்
மேலும் தகவலுக்கு
http://www.indg.in/rural-energy/technologies-under-rural-energy/energy-efficient-technologies/b0acooa3u-ake201af-ufe-aoo201ee2039-c-acs-aTM-cfl

Read More

கடனுக்கான வட்டி

விவசாயிகளுக்கு வழ்கப்படும் குறுகிய கால கடனுக்கான வட்டி குறைக்கப்படலாம் என்று மத்திய நிதி அமைச்சர் ப. சிதம்பரம் தெரிவித்துள்ளார்.

மக்களவையில் இன்று துணை மாணியக் கோரிக்கைக்கு பதில் அளித்து பேசும் போது சிதம்பரம் கூறியதாவது, “விவசாயிகளுக்கு வழங்கப்படும் குறுகிய கால கடனுக்கு வழங்கப்படும் வட்டி கடந்த ஆண்டுகளில் 10 விழுக்காட்டில் இருந்து 7 விழுக்காடாக குறைக்கப்பட்டுள்ளது. மேலும் வட்டியை குறைக்க வேண்டும் என்ற கோரிக்கை வந்தால் கனிவுடன் பரிசீலிக்கப்படும்.

வங்கிகளுடனான அடுத்த ஆலோசனை கூட்டத்தின் போது வங்கிகளிடம் இயற்கை வேளாண்மைக்கு கொடுக்கும் கடனின் அளவை அதிகரிக்கும் படி கேட்டுக் கொள்வேன்.

விவசாயிகளுக்கு கடன் வழங்குவது பற்றி ஆலோசனை கூற அமைக்கப்பட்ட வைத்தியநாதன் கமிட்டியின் இரண்டாவது பரிந்துரைகள் மாநில முதலமைச்சர்கள், நிதி அமைச்சர்களுக்கு அணுப்பப்பட்டது. இதில் சிலவற்றில் மத்திய, மாநில அரசுகள் மத்தியில் ஒருமித்த கருத்து உருவாகியுள்ளது. அவர்களின் முழு கருத்து கிடைத்த பிறகு, வைத்தியநாதன் கமிட்டி பரிந்துரைகள் மீது தக்க நடவடிக்கை எடுக்கப்படும் என்று கூறினார்.

நன்றி : http://tamil.webdunia.com/

Read More

எலிகளின் படையெடுப்பு: பட்டினியில் மக்கள்

மிஜோரம் மாநிலத்தின் மேற்கு பகுதியில் எலிகள் வயலில் விளைந்த தானியங்களை எல்லாம் நாசமாக்கியதால் மக்கள் பட்டினியில் வாழும் பரிதாப நிலை ஏற்பட்டுள்ளது.

மிஜோரம் மாநிலத்தில் அமைந்துள்ள காடுகளில் பெருமளவு மூங்கில் வளர்கின்றது. மூங்கில் செடிகளில் பூ பூக்கும் காலத்தில் எலிகள் மூங்கில் மரத்தின் சுவையான அடிப்பாகத்தை சாப்பிட படையெடுக்கின்றன. மூங்கிலில் பூ பூக்கும் காலத்தை மிஜோரம் உட்பட வடகிழக்கு மாநில மக்கள் முட்டம் பருவம் என்று அழைக்கின்றனர்.

மூங்கிலால் கவரப்பட்டு படையெடுக்கும் எலிகள், எவ்வித கட்டுப்பாடும் இல்லாமல் ஆயிரக்கணக்காக பல்கிப் பெருகுகின்றன. இவை பயிர்கள் விளைந்த வயல்களில் புகுந்து, விளைந்த தா‌னியங்களை கபளிகரம் செய்கின்றன. இவைகளை அழிக்கவும், ஒழிக்கவும் அரசு எடுக்கும் எவ்வித நடவடிக்கையும் போதிய பலன் அளிப்பதில்லை.

மிஜோரம் மாநிலத்தி‌ல் இந்த வருடம் முட்டம் பருவத்த‌ி‌ல், குறிப்பாக மேற்கு மிஜோரோமில் வயல்களில் விளைந்த தா‌னியங்களை எ‌லிக‌ள் அழித்து விட்டன.

இதனால் இந்த பகுதி மக்கள் பட்டினி கிடக்க வேண்டிய ஆபத்து ஏற்பட்டுள்ளது. புல்டன்சி என்ற கிராமத்திலும் அதனை ஒட்டியுள்ள பல கிராமங்களில் வாழும் மக்கள் உணவு பற்றாக்குறையால் ஒரு நாளைக்கு ஒரு வேளை உணவு உட்கொள்ள வேண்டிய சூழ்நிலை உருவாகி உள்ளது.

சக்மா, புரூ இன மக்களில் உள்ள பெரியவர்கள் தினசரி ஒரு வேளை உணவே உட்கொள்கின்றனர். தங்களின் குழந்தைகளுக்கு போதிய உணவு வேண்டும் என்பதற்காக பெரியவர்கள் ஒரு வேளை உணவு உட்கொள்வதாக தகவல்கள் தெரிவிக்கின்றன.

இந்த பகுதியில் உள்ள மக்களுக்கு உணவு தானியங்களை விநியோக மையம் புல்டுங்சி என்ற இடத்தில் அமைந்துள்ளது. இங்கு 180 மூட்டை அரிசியே இருப்பில் உள்ளது. இது சில நாட்களுக்கு மட்டுமே விநியோகிக்க முடியும் என்று அரசு செய்திகள் தெரிவிக்கின்றன.

புல்டுங்சி மற்றும் அதன் அருகில் உள்ள பார்வட்டு, மேற்கு புல்புய் உட்பட அருகில் உள்ள பல கிராமங்களில் உள்ள மக்கள் முழுவதுமாக உணவு தா‌னியத்திற்கு அரசின் கிடங்கையே நம்பி உள்ளனர். இங்கு சில நாட்களுக்கு தேவைப்படும் இருப்பே உள்ளது என்று தெரியவருகிறது.

இந்த வருடம் எலிகளின் படையெடுப்பால் மக்கள் அறுவடை செய்வதற்கு வயல் வெளிகளில் எதுவும் மிச்சமில்லை.
அதே நேரத்தில் சாம்பாய் நகரம் மற்றும் அதன் அருகில் உள்ள மிஜோரம் இளைஞர் சங்கத்தை சேர்ந்தவர்கள் முட்டத்தால் பாதிக்கப்பட்டுள்ள மக்களுக்கு உதவி செய்ய நிதி திரட்ட முடிவு செய்துள்ளனர்.

மிஜோரமில் முட்டம் பருவ‌த்‌தி‌ல் பட‌ையெடு‌க்கு‌ம் எலிகளால் சாம்பாய் தான் குறைந்த அளவு பாதிக்கப்பட்ட பகுதியாகும். இதனால் இந்த பகுதி இளைஞர்கள் கடுமையாக பாதிக்கப்பட்டுள்ள மக்களுக்கு உதவி செய்ய முடிவு எடுத்துள்ளனர்.

இவர்கள் ஒவ்வொரு குடும்பமும் அவர்கள் அறுவடை செய்த நெல்லில் 25 விழுக்காடு அல்லது அதற்கு சமமான ரூபாயை முட்டம் எலிகளால் பாதிக்கப்பட்ட மக்களுக்கு உதவு‌ம் வகை‌யி‌ல் நன்கொடையாக வழங்க வேண்டும் என்று இளைஞ்ர்கள் கேட்டுக் கொண்டுள்ளனர்.

பாதிக்கப்பட்ட குடும்பத்தினருக்கு கிறிஸ்துமஸ்க்கு முன்பு உதவிகள் கிடைத்து விடும் என்று மிஜோரம் இளைஞர் சங்கத்தைச் சேர்ந்தவர்கள் உறுதியாக கூறுகின்றனர்.

நன்றி : http://tamil.webdunia.com/

Read More