வீட்டுத் தோட்டம்

தேவை
இன்றைய பரபரப்பான வாழ்வியல் சூழலில் எல்லா உணவுப் பொருட்களும் உடனடி (Instant) தயாரிப்பு நிலக்கு வந்தாகிவிட்டது. காய்கறிகள், பழங்கள் மற்றும் தானிய வகைகள் யாவும் தனது இயற்கைத் தன்மையிலிருந்து மாறி ஒருவித செயற்கை தன்மையேடுதான் நம் கைகளை வந்தடைகிறது. இதில் பலவற்றை நாம் தவிர்க்க இயலாது. ஆனால் சிலவற்றையாவது நாமே நமக்காக உருவாக்கிக் கொள்ள வேண்டும். அவ்வகையில் எளிதானதும், மன நிறைவு அளிப்பதும் வீட்டுத் தோட்டம் அமைப்பது ஆகும் . வீட்டுத் தோட்டம் நமது தேவைகளையும் பூர்த்தி செய்கிறது.
பயன்
காய்கறிகள் நமது அன்றாட வாழ்விற்கு மிகவும் முக்கியமானதாகும். அதுவும் குறிப்பாக சைவ உணவு உண்பவர்களுக்கு மிகவும் அவசியம். இவை உணவின் ஊட்டச்சத்தை அதிகரிப்பதோடு மட்டுமல்லாமல், உணவை ருசியாக்குகின்றன. நாம் நம் அன்றாட வாழ்விற்கு தேவையான காய்கறிகளை வீட்டுக் காய்கறி தோட்டத்தில், நம்மிடம் உள்ள சுத்தமான தண்ணீர், சமயலறை மற்றும் குளியலறை கழிவு நீரை பயன்படுத்தி உற்பத்தி செய்யலாம். இதன் மூலம், உபயோகமில்லாத தண்ணீர் தேங்கி நிற்பதையும், இதனால் ஏற்படும் சுகாதார கேட்டையும், சுற்றுச் சூழல் மாசுபாட்டையும் தடுக்க முடிகிறது.
தோட்டம் அமைத்தல்
வீட்டுக்கு அருகில் இருக்கும் காலி இடத்தை நன்கு ஆழமாக மண்வெட்டி கொண்டு கொத்திவிட வேண்டும். கற்கள், புதர்கள், களைகள் ஆகியவற்றை அகற்ற வேண்டும். தேவையான நன்கு மக்கிய தொழு உரம், தென்னை நார் கழிவு உரம் அல்லது மண்புழு எருவை இட்டு நன்கு கலக்கி விட வேண்டும். 4-5 நாட்கள் கொத்திவிட்ட இடத்தை ஆறவிட வேண்டும்.

மாடி வீட்டுகார்கள் கவலைப்பட வேண்டாம் http://www.verticalfarm.com/ இங்க போயிப் பாருங்க ஒரு பண்ணையே மாடியில வச்சு கலக்கராங்க. நீங்களு உங்க அளவுக்கு கலக்குங்க.

விதைத்தல் மற்றும் நடவு செய்தல்
நேரடி விதைப்பு பயிர்களான வெண்டை, கொத்தவரை தட்டைப்பயறு போன்றவற்றை பாரின் ஒரு புறத்தில் 30 செமீ இடைவெளியில் நடவு செய்ய வேண்டும். முழு செடியாக பிடுங்கப்படும் அல்லது கில்லி எடுக்கப்படும் தண்டுக்கீரை, சிறுகீரை ஆகியவற்றை, 1 பகுதி விதை 20 பகுதி மணல் என்ற விகிதத்தில் கலந்து கை விதைப்பு செய்யவேண்டும். சின்ன வெங்காயம், புதினா, கொத்தமல்லி போன்றவற்றை வரப்பின் ஓரத்தில் விதைக்க வேண்டும்.
நாற்று நடவு செய்யும் பயிர்களான தக்காளி, கத்தரி, மிளகாய் போன்றவற்றை நாற்றங்கால் படுக்கைகளில் அல்லது தொட்டிகளில் ஒரு மாதத்திற்கு முன்பே விதைக்க வேண்டும். விதைப்பு முடிந்து மண்ணை மூடியவுடன், எறும்பு வருவதை தடுக்க 250 கிராம் வேப்பம்புண்ணாக்கை தூவவேண்டும். விதைத்து 30 நாட்கள் கழித்து தக்காளியையும், 40-45 நாட்கள் கழித்து கத்தரி, மிளகாய், சிறு வெங்காயம் ஆகியவற்றையும் நாற்றங்களில் இருந்து எடுத்து நடவு செய்ய வேண்டும். தக்காளி, கத்தரி, மிளகாய் ஆகியவற்றிற்கு 30-45 செமீ என்ற இடைவெளியில் பாரின் ஒரு பக்கத்திலும், சின்ன வெங்காயத்திற்கு 10 செமீ இடைவெளியில் பாரின் இரு பக்கமும் நட வேண்டும்.

நடவு செய்தவுடன் முதல் தண்ணீரும் நட்ட மூன்றாம் நாள் மறுதண்ணீரும் பாய்ச்ச வேண்டும். நாற்றுகளுக்கு இளம் பருவங்களில் இரு நாட்களுக்கு ஒரு முறையும், பிற்பருவங்களில் நான்கு நாட்களுக்கு ஒரு முறையும் நீர் பாய்ச்ச வேண்டும்.
ஒரு வருடத்திற்கு, வீட்டுச்செலவுக்கு தேவைப்படும். காய்கறிகளை தொடர்ச்சியாக உற்பத்தி செய்வதே வீட்டு காய்கறி தோட்டத்தின் முக்கிய நோக்கம் ஆகும். சில முக்கிய வழிமுறைகளை கையாண்டு இந்த நோக்கத்தை பூர்த்தி செய்து கொள்ளலாம்.

பல பருவ தாவரங்களை, மற்ற பயிர்களில் நிழல் படியாதவாறும், ஊட்டச்சத்திற்கு போட்டி ஏற்படாதவாறும் தோட்டத்தின் மூலையில் நடவேண்டும்.

தோட்டத்தின் நடுவில் உள்ள நடைபாதை மற்றும் ஏனைய நடைபாதையின் அருகிலும் குறுகிய கால பயிர்களான கொத்தமல்லி, புதினா, பொன்னாங்கன்னி, பாலக் போன்றவற்றை நட வேண்டும்.

பயிரிடும் திட்டம்
இந்திய சூழ்நிலைக்கு ஏற்ற ஒரு மாதிரி வீட்டுக் காய்கறி தோட்டத்திற்கான பயிரிடும் திட்டமுறை (மலை பகுதி தவிர)

01 தக்காளி மற்றும் வெங்காயம் ஜுன் - செப்டம்பர்
முள்ளங்கி அக்டோபர் - நவம்பர்
பீன்ஸ் டிசம்பர் - பிப்ரவரி
வெண்டைக்காய் மார்ச் - மே
02. கத்தரி ஜுன் - செப்டம்பர்
பீன்ஸ் அக்டோபர் - நவம்பர்
தக்காளி ஜுன் - செப்டம்பர்
தண்டுகீரை, சிறுகீரை மே
03. மிளகாய் மற்றும் முள்ளங்கி ஜுன் - செப்டம்பர்
தட்டவரை டிசம்பர் - பிப்ரவரி
பெல்லாரி வெங்காயம் மார்ச் - மே
04. வெண்டைக்காய் மற்றும் முள்ளங்கி ஜுன் - ஆகஸ்டு
முட்டைக்கோஸ் செப்டம்பர் - டிசம்பர்
கொத்தவரை ஜனவரி - மார்ச்
05. பெரிய வெங்காயம் ஜுன் - ஆகஸ்டு
பீட்ருட் செப்டம்பர் - நவம்பர்
தக்காளி டிசம்பர் - மார்ச்
வெங்காயம் ஏப்ரல் - மே
06. கொத்தவரை ஜுன் - செப்டம்பர்
கத்தரி மற்றும் பீட்ருட் அக்டோபர் - ஜனவரி
07. பெரிய வெங்காயம் ஜுலை - ஆகஸ்டு
கேரட் செப்டம்பர் - டிசம்பர்
பூசணி ஜனவரி - மார்ச்
08. மொச்சை, அவரை ஜுன் - ஆகஸ்டு
வெங்காயம் ஜனவரி - ஆகஸ்டு
வெண்டைக்காய் செப்டம்பர் - டிசம்பர்
கொத்தமல்லி ஏப்ரல் - மே

ஊடுபயிராக தண்டுகீரை, சிறுகீரை பயிர் செய்யவும்.

பலவருட பயிர்கள்
முருங்கை, வாழை, பப்பாளி, கப்பக்கிழங்கு, கருவேற்பிலை, அகத்தி.

மேற்கண்ட திட்டமுறையில் வருடம் முழுவதிற்கும் ஒவ்வொரு பாத்தியிலும் சில பயிர்களை இடைவிடாது இடம் பெறச்செய்யப்பட்டுள்ளன. முடிந்த அளவு ஒவ்வொரு பாத்தியிலும் ஒரு நெடுங்கால பயிரையும் குறுகிய கால பயிரையும் இணைக்கப்பட்டுள்ளன.

தகவல் ஆதாரம் : இந்திய முன்னேற்ற நுழைவாயில் http://www.indg.in/agriculture/on-and-off-farm-enterprises/i2020201a-ea3153ep-abia32020i2039/ என்ற இணையதளத்திலிருந்து

Read More

கவனம்- கோமாரி நோய்

ஈரோடு மாவட்டத்தில் பல்வேறு இடங்களில் கோமாரி நோயால் முப்பதுக்கும் மேற்பட்ட கால்நடைகள் இறந்துள்ளன।ஈரோடு மாவட்டத்தில் விவசாயிகள் அதிகமாக கால்நடைகள் வளர்த்து வருகின்றனர். பத்து ஆண்டுகளுக்கு முன் விவசாயிகள் ஒவ்வொருவரும் சராசரியாக பத்து கறவை மாடுகளை வளர்த்தனர்.நாளடைவில் மழை இல்லாமலும், உற்பத்தி பொருட்களுக்கு உரிய விலை கிடைக்காமலும் விவசாயம் குறைந்தது. இத்துடன் கால்நடை வளர்ப்பும் குறைந்தது.இந்த நிலையில் தற்போது இருக்கும் கால்நடைகளையும் நோயில் இருந்து காபாற்ற விவசாயிகள் முயற்சி செய்து வருகின்றனர். கடந்த ஒரு மாதத்தில் ஈரோடு மாவட்டத்தில பல்வேறு பகுதியில் சுமார் முப்பது கால்நடைகள் கால்நடைகளை தாக்கும் கோமாரி நோயால் இறந்துள்ளதால் விவசாயிகள் கலக்கம் அடைந்துள்ளனர்.
நன்றி-Webdunia

உழவர்களே -கவனம்

Read More

கால்நடைகளுக்கான முதலுதவிகள்

உழவுத் தொழிலில் உற்ற தோழனாகவும், விவசாய்களின் ஏடிஎம் ஆகவும் விளங்குபவை கால்நடைகள். இவைகளுக்கு பல வேளைகளில் எதிர்பாராமல் ஏற்படுகிற விபத்துகள், நோய்கள் முலம் அவற்றின் உயிருக்கோ, உடல் நலத்திற்கோ தீங்கு ஏற்படலாம். தக்க மருத்துவம் செய்யும் முன் நம்மிடம் உள்ள மருந்துகளைக் கொண்டு பாதிப்பினை அதிகரிக்காமல் இருக்கச் செய்யும் உதவியே முதலுதவி ஆகும்.

கால்நடைகளுக்கான முதலுதவிகள்

1. காயங்கள்
கால்நடைகளுக்கு காயம் ஏற்பட்டால் முதலில் காயத்தை சுத்தமான நீரில் நோய்க்கிருமி எதிரியான டெட்டால் அல்லது சாவ்லான் கலந்து கழுவ வேன்டும். சுத்தமான துணியால் ஒற்றி எடுத்து டிங்ச்சர் அயோடின் அல்லது சல்பர் துளை போடவும். பின் கால்நடை மருத்துவரை அணுகவும்.

உடலில் புண் இருந்தால் ஈ முலம் புழுக்கள் உண்டாகி காயத்தை ஆழமாக்கி விடும்। இதற்கு கற்பூரத்தை பொடி செய்து வைக்கலாம். அல்லது வேப்ப எண்ணெயை புண்ணின் மீது தடவலாம்.

2 எலும்பு முறிவு

எதிற்பாராத விபத்தினால் எலும்பு முறிவு ஏற்ப்பட்டால் முறிந்த நிலையிலேயே அதிக அசைவு ஏற்ப்படத வகையில் மூங்கில், துணி கொண்டு கட்டுப்போட வோண்டும்। பின்னங்கால் தொடை எலும்பு முறிவு ஆகியவற்றிற்கு மருத்துவம் செய்வது கடினம். எலும்பு முறிவு மற்றும் காயங்கள் ஒருசேர இருப்பின் அந்த காயங்களுக்கு கட்டுப்போட கூடாது. உடனே மருத்துவரை அணுகவும்.

3. கொம்பு முறிதல்

மாடுகள் ஒன்றோடு ஒன்று முட்டிக் கொள்வதாலோ அல்லது வெளியில் மேயும்போதோ கொம்பு முறிய வாய்ப்புண்டு. நுனிக் கொம்பு முறிதல் பொட்டாசியம் பர்மாங்கனேட் கலந்த தண்ணீர் கொண்டு கழுவியபின் களிம்பு தடவலாம்.

இரத்தப் போக்கு அதிகமாக இருப்பின் அதன் மேல் துணியைச் சுற்றி டிங்சர் பென்சாயின் ஊற்றவும். கொம்பு முறிவு ஏற்பட்ட இடத்தில் ஈரம் மற்றும் அழுக்கு படாமல் பார்த்துக் கொள்ள வேண்டும். காயம் பட்ட இடத்தில் துற்நாற்றம் ஏதேனும் வருகிறதா என கவனமாக கவனிக்க வேண்டும். அவ்வாறு இருப்பின் உடனே மருத்துவரை அணுகவும்.

4 இரத்த கசிவு

கைகளை சுத்தமான நீர் அல்லது சோப்பால் கழுவி விட்டு இரத்தம் வரும் இடத்தில் விரல்களை வைத்து அழுத்தி பிடிக்க வேண்டும்। இரத்த கசிவு அதிகமாக இருந்தால் சுத்தமான துணி கொண்டு கட்டுப் போடலாம்.

5. தீக்காயம்

கால்நடை கொட்டகைகள் தீப்பிட்டிப்பதால் உடம்பில் தீக்காயம் ஏற்படலாம். கால்நடைகளின் உடம்பில் தீப்பிடித்து எரிந்தால் அடர்த்தியான போர்வை அல்லது சாக்கு பை கொண்டு போர்த்த வேண்டும். பின்பு சுத்தமான தண்ணீர் ஊற்றவும். கால்நடைகளை நல்ல காற்றோட்டமான இடத்திற்கு கொண்டு செல்லவும்.

6. இரசாயன திரவங்களால் ஏற்படும் காயங்கள்

இரசாயன திரவங்கள் உடம்பில் பட்டால் தோல், தசை முதலியன வெந்துவிடும். அமில வகைத் திரவங்கள் உடம்பில் பட்டால் சோப்புத் தண்ணீர் அல்லது சோடா உப்பு கலந்த தண்ணீர் கொண்டு கழுவ வேண்டும்.
காரவகை திரவங்கள் உடம்பில் பட்டால் வினிகர் அல்லது எலுமிச்சை சாறு கலந்த தண்ணீர் கொண்டு கழுவ வேண்டும்। எந்தவகை இரசாயனம் எனத் தெரியாவிட்டால் நிறைய சுத்தமான தண்ணீர் கழுவ வேண்டும்।

7 மின்சார அதிர்ச்சி

கால்நடைகளின் உடம்பில் மின்சாரம் பாய்ந்தால் நினைவு இழத்தல் மற்றும் இறப்பு ஏற்பட வாய்ப்புண்டு। சில வேளை காயங்கள் ஏற்படாலாம். கால்நடைகளுக்கு மின் தாக்குதல் ஏற்பட்டால் உடனடிக மின் இணைப்பை துண்டிக்க வேண்டும். பின்பே அருகில் செல்ல வேண்டும். கால்நடை கொட்டகையில் மின் கசிவு ஏதும் ஏற்படாமல் பார்த்துக் கொள்ள வேண்டும். மேலும் மின் கம்பங்களிலோ அல்லது அதன் அருகிலோ கட்டுவதை கண்டிப்பாக தவிர்க வேண்டும்.

8. அதிக உடல் வெப்பத்தால் ஏற்படும் அதிர்ச்சி

வெயில் காலங்களில் அதிக வெப்பநிலை, அதிக ஈரப்பதம் மற்றும் போதுமான காற்றோட்டம் இல்லாத காரணங்களினால் கால்நடைகளுக்கு மூச்சுத்திணறல் மற்றும் வெப்ப அதிர்ச்சி ஏற்படும். எனவே கால்நடைகளை கால்நடைகளை நல்ல காற்றோட்டமான இடத்தில் நிழலில் கட்டிவைக்க வேண்டும்.

கோடைகாலத்தில் காலை அல்லது மாலை வேளைகளில் மேய்சலுக்கும் பிற வேலைகளுக்கும் அனுப்பலாம். வெப்ப அதிர்ச்சியால் பாதிக்கப் பட்ட கால்நடைகளின் மீது ஈரத்துணி மற்றும் பனி(ஐஸ்) கட்டிகளை வைத்து உடல் வெப்பநிலையைக் குறைக்கலாம்.

9. வயிறு உப்புசம்

தீவனத்தை திடீரென மாற்றுவதாலோ அல்லது பயறுவகை தீவனத்தை அதிகமாக உட்கொண்டதாலோ வயிறு உப்புசம் ஏற்படலாம். இதற்க்கு கடலெண்ணெய் அல்லது நல்லெண்ணெய் 250 மி.லி வாய் வழியெ ஊற்ற வேண்டும்.
எண்ணெயுடன் சோப்புத்தண்ணீர் 60 மி.லி வாய் வழியாக கொடுக்கலாம். மருந்து ஊற்றும் போது புறை ஏற்படாமல் கவனமாக ஊற்ற வேண்டும்.
வயிறு உப்புசம் அதிகமாயின் கால்நடைகள் மூச்சுவிட சிரம்ப்படும். எனவே உடனே மருத்துவரை கொண்டு சிகிச்சை அளிக்க வேண்டும்.
இவைமட்டும் அல்லாமல் உள்வயிறு சுழன்று கொள்வது, புளித்த உணவை அதிகமாக உட்கொள்வது, உண்ட பின் அதிகம் தண்ணீர் குடிப்பது ஆகியவற்றாலும் வயிறு உப்புசம் ஏற்படலாம்।

10 அமில நச்சு

மரவள்ளி இலை, தோல், கிழங்குப்பட்டை, இளம் சோளப்பயிர் ஆகியவற்றை அதிகமாக உண்பதால் இந்நச்சு பாதித்து கால்நடைகள் ஒரு மணி நேரத்திற்குள்ளாகவே உயிர்சேதமடைந்துவிடும். எனவே உடனே மருத்துவரை கொண்டு சிகிச்சை அளிக்க வேண்டும். இதனைத் தடுக்க மேற்கூறிய தீவனங்களை நன்கு வெயிலில் உலர்த்தி காயவைத்து கொடுக்க வேண்டும்.

மீந்து போன அரிசி – சாதம், அழுகிய வாழைப்பழம், தானியங்களை அதிகமாக உட்கொள்வதால் வயிறு உப்புசம் ஏற்படலாம். இதனால் கால்நடைகள் மூச்சுவிட சிரம்ப்படும். இதற்கு 100 கிராம் சமையல் சோடாவை 500 மி.லி தண்ணீரில் கரைத்து 2 அல்லது 3 முறை கொடுக்கவும். உடனே கால்நடை மருத்துவரை கொண்டு சிகிச்சை அளிக்க வேண்டும். தேவைப்பட்டால் வயிற்றுப் போக்கு மருந்து கொடுக்க வேண்டும்.

11 யூரியா நச்சு

தவறுதலாக யூரியாவை மாடுகள் தண்ணீர் குடிக்கும் தொட்டியில் கலப்பதாலோ, அல்லது யூரியா உரமிட்ட வயலில் தண்ணீர் குடிப்பதாலோ யூரியா நச்சு ஏற்படலாம்। வாயிலிருந்து எச்சில் மற்றும் நுரைவடிதல், மூச்சுவிட சிரம்ப்படுதல், வலிப்பு ஏற்படுதல் ஆகியன முக்கிய அறிகுறிகள்। முதலுதவியாக கறவை மாடுகள் மற்றும் எருதுகளுக்கு வினிகர்( 2 முதல் 4 லிட்டர் வரை பிரித்து) கொடுக்க வேண்டும். ஆடுகளுக்கு அரை லிட்டர் கொடுக்கலாம்

12.நஞ்சுத் தன்மை

கால்நடைகள் நஞ்சுத் தன்மையுடைய செடிகளையோ, பூச்சி மருந்துகளை எதிரபாரமல் உட்கொள்வதாள்லோ, பூச்சி கொல்லி மருந்து டப்பாகளை நாக்கினால் நக்குவதாலும் மற்றும் பூச்சி மருந்து தெளித்த பயிரை உட்கொள்வதாள்லோ உடம்பில் நஞ்சுத் தன்மை ஏற்படலாம்। அச்சமயம் வயிறு உப்புசம், வாயிலிருந்து எச்சில் மற்றும் நுரைவடிதல், மூச்சுவிட சிரம்ப்படுதல், வலிப்பு, நினைவிழப்பு ஏற்பட்டு இறப்பு நீகழ வாய்ப்புண்டு.
முதலில் நல்ல காற்றோட்டமான இடத்தில் வைக்க வேண்டும். நஞ்சு வயிற்றில் தங்காமல் இருக்க சோப்புக் கரைசல் அல்லது உப்புக் கரைசலை வாயின் வழியாக கொடுக்கலாம். அடுப்புக் கரியை பொடி செய்து தண்ணீரில் கலந்து வாயில் ஊற்றலாம்.

13.வெறிநாய் கடி

எல்லா வெப்ப ரத்த விலங்குகளுக்கும் இந்நோய் வரும். இவ்வியாதியுள்ள ஒரு விலங்கின் உமிழ் நீரில் கருமி வெளியேறுகிறது. வியாதியுள்ள விலங்கு கடித்தாலோ அல்லது ஒன்றாய் உள்ள விலங்கின் உடம்பில் ஏதேனும் புண்ணிருந்து அதை நக்கினாலோ இக்கிருமி உடம்புக்குள் புகுந்துவிடும். அந்த சதைபகுதியிலேயே இனப்பெருக்கம் செய்து நரம்பு வழியாக தண்டுவடம் மற்றும் மூளையை அடைகிறது. 10 நாள் முதல் 7 மாதத்திற்குள் நரம்பு நோய் வந்து மரணம் அடையும்.
இதன் அறிகுறிகள் கண்டவரை எல்லாம் கடிக்க வரும், கண்ணில் பட்டதையெல்லாம் தின்ன முற்படும், கீழ்தாடை தொங்கும்। உமிழ் நீர் நூலாய் வழியும். சில நாட்கள் கழித்து உறுப்புகள் செயலிழந்து அமைதியாகிவிடும். இவ்வியாதியுள்ள விலங்கினை தனியே அடைத்துவிடவும். கையுரை அணியாமல் விலங்கினை தொடக்குடாது. கடிபட்ட இடத்தை சுத்தமான நீர் மற்றும் சோப்பால் கழுவி விட்டு உடனே மருத்துவரை அணுகவும். வெறிநாய்க் கடிக்கான தடுப்பூசி அனைத்து அரசு மருத்துவ மனைகளிலும் போடப்படும்.

14. பாம்பு கடி

பாம்பு கடி என்றால் ரத்தப் போக்கை கொஞ்ச நேரம் தடுக்காமல் விட்டுவிடலாம். காயத்தை சுத்தப்படுத்தி கட்டுப்போட வோண்டும். பாம்பு கடி என்பதன் அறிகுறிகள் நிற்க முடியாமல் கீழே விழுதல், எழவும் முடியாது. வாந்தி, . உமிழ் நீர் வழியும், மூச்சுவிட சிரம்ப்படும். சிறுநீரில் இரத்தம், காயத்திலிருந்து தொடர்ச்சியாக இரத்தம் வெளியேறிக் கொண்டே இருக்கும். உடனே மருத்துவரை அணுகவும்.

15.தொண்டை அடைப்பு

மாடு அல்லது ஆட்டின் தொண்டையில் ஏதாவது அடைத்துவிட்டால் கையை அல்லது விரலை விட்டு எடுத்துவிடலாம். அவசியப்பட்டால் கைக்குட்டையால் நாக்கை கிழே அழுத்திக் கொண்டு வாயிக்குள் இடுக்கி கொண்டு அடைப்பை எடுத்துவிடலாம். உணவுக்குழாயில் அடைப்பு ஏற்பட்டால் வயிறு உப்புசம் ஏற்படலாம். கவனிக்காவிட்டால் மாடுகள் 4 அல்லது 5 மணி நேரத்தில் இறந்துவிடும்.

16.கருப்பை வெளித்தள்ளுதல்.

சில மாடுகளுக்கு சினைப் பருவத்தின் கடைசி மாதத்திலோ அல்லது கன்று ஈன்ற பின்போ கருப்பை வெளியே வாய்ப்புண்டு। இதனைத் தடுக்க ஒரே சமயத்தில் அதிக தீவனம் அல்லது தண்ணீர் கொடுக்க கூடாது. மாடுகள் படுத்திருக்கும் பொழுது பின் புறம் சற்று உயரமாகவும், முன் புறம் சற்று பள்ளமாகவும் இருக்குமாறு பார்த்துக் கொள்ளவும். கருப்பை வெளியே தள்ளப்பட்டால் மண் மற்றும் தூசுகள் படாமல் இருக்கவும், உலர்ந்துவிடாமல் இருக்கவும் சுத்தமான ஈரத்துணியை போர்த்தி வைக்கலாம். உடனே மருத்துவரை அணுகவும்.

முதலுதவி பெட்டி

விபத்துகள், நோய்கள் என்பவை முன் அறிவிப்பின்றி வருவது। எனவே அவசர உதவிக்காக முதலுதவி பெட்டி ஒவ்வொரு கால்நடை பராமரிபாளர் வீட்டிலும் இருக்க வேண்டும். அதில் இருக்க வேண்டிய மருந்துகள் பின்வருமாறு,

· கட்டுத் துணி, கயிறு, பஞ்சு, ஒட்டுப் பட்டை(பிளஸ்திரி)
· டெட்டால் அல்லது சாவ்லான், கத்தரி கோல்
· டிங்க்சர் அயோடின், பீட்டாடுன் கலவை, டிங்க்சர் பென்சாயின்
· கையுறை, வெள்ளை துணி,
· பாராசிட்டாமால், அவில், பெரிநார்ம், அனால்ஜீன் மாத்திரைகள் அல்லது ஊசிகள்.
· திசு காகிதம், வெப்ப மானி, டார்ச் லைட், பேனா, வெள்ளை தாள், சங்கிலி போன்றவை

முதலுதவி மட்டும் செய்து முழுசிகிச்சை செய்யாவிட்டால் கால்நடைகள் இறக்க நேரிடலாம். எனவே அருகாமையில் உள்ள கால்நடை மருத்துவரை அணுகி உரிய சிகிச்சை அளிப்பது அவசியம்.

தகவல் ஆதாரம்: உழவர் பயிற்சி மையம்.
37, ஸ்ரீராம் நகர்,
அல்லி நகரம், தேனி- 625 531
தொலைபேசி; 954546260047

நன்றி : தமிழக விவசாயி உலகம் (ஜூலை 2007 கட்டுரையிலிருந்து)

Read More

தென்னை நார்க் கழிவு உரம்

நோக்கம்:-
தேங்காய் மட்டைகளில் இருந்து கயிறு தயாரிக்கும் ஆலைகளில் இது கழிவு பொருளாக கிடைக்கிறது. சராசரியாக 10,000 தேங்காய் மட்டைகளில் இருந்து 1 டன் கழிவு கிடைக்கும்.
இவை சாலை ஓரங்களில் குவிக்கப் பட்டு சுற்றுப்புற கேட்டை ஏற்படுத்துகிறது. இதனை பயனுள்ள இயறகை உரமாக மாற்றி வயல்களுக்கு பயன்படுத்தலாம்.

ஏன் மக்கவைக்க வேண்டும்?.
தென்னை நார்க் கழிவினை ஆலைகளில் இருந்து வரும் வடிவத்திலேயே நேரடியாக வயலில் இட்டால் எளிதில மக்காது. மேலும் இக்கழிவில் அதிக அளவு கார்பன் உள்ளதால் வயலில் மக்கும் போது காரபன்-டை-ஆக்சைடு உண்டாகும். இவை வயலில் ஏற்கனவே உள்ள தழைச்சத்தை (நைட்ரஜன்) அமோனியம் கார்பனேட்டாக மாற்றுகிறது. அமோனியம் கார்பனேட்ட் எளிதில் சிதைந்து அமோனியாவாகவும், காரபன்-டை-ஆக்சைடாகவும் மாறி காற்றில் கலந்துவிடுகிறது. இதனால் மண்ணின் தழைச்சது அளவு குறைந்துவிடும். எனவே இதனை மக்கவைத்து பயன்படுத்த வேண்டும்

மக்க வைத்தல்:-
தென்னை நார்க் கழிவினை ‘ புளுரோட்டஸ்’ காளானை கொண்டு மக்கவைப்பதால் விரைவாக (30 நாளில்) கார்பன் அளவு குறைந்துவிடும். மேலும் தழை மற்றும் சாம்பல் சத்துகளின் அளவு தொழுவுரத்தை விட இரு மடங்காக உயர்ந்து சிறந்தா இயற்கை உரமாக மாறுகிறது.

மக்க வைக்கும் முறை:-
 தென்னை நார்க் கழிவு உரம் தயாரிக்க 1 டன் தென்னை நார்க் கழிவிற்கு 5 கிலோ யூரியா, 5 புட்டி புளுரோட்டஸ் (சிப்பிக் காளான் ) காளான் வித்தும் தேவை.
 நிழலடியில் 15 சதுர மீட்டர் (5 × 3 மீட்டர்) பரப்பளவுள்ள தரையை சம்மாக சீர்படுத்தி 100 கிலோ தென்னை நார்க் கழிவை சீராக பரப்பவும்.
 அதன் மீது 1 புட்டி புளுரோட்டஸ் (சிப்பிக் காளான் ) காளான் வித்தினை தூவிவிட வேண்டும்.
 பிறகு அதன் மீது அடுத்து 100 கிலோ தென்னை நார்க் கழிவை சமமாக பரப்பவும்.
 பிறகு அதன் மீது 1 கிலோ யூரியாவை தூவிவிட வேண்டும்
 அதன் மீது அடுத்து 100 கிலோ தென்னை நார்க் கழிவை சமமாக பரப்பவும்.
 மீண்டும் அதன் மீது 1 புட்டி காளான் வித்தினை தூவிவிட வேண்டும்.
 இவ்வாறு அடுத்தடுத்து 10 அடுக்கு (10 × 100 கிலோ = 1 டன் ) தென்னை நார்க் கழிவை சமமாக பரப்பவும்
 பிறகு அதன் மீது நன்றாக தண்ணீர் தெளித்து ஓரு மாதம் வரையிலும் மக்கச்செய்ய வேண்டும்.
 கணிசமான ஈரத்தை (சுமார் 200%) தொடர்ந்து பராமரித்து வருதல் அவசியம்.
 மக்கிய தென்னை நார்க் கழிவின் கொள்ளளவு பாதியாக் குறைவதோடு பழுப்பு நிறத்திலிருந்து கரும் பழுப்பாக மாறி விடும்.
 மக்கிய தென்னை நார்க் கழிவினை உடனேயோ அல்லது சேமித்து வைத்தோ பயன்படுத்தலாம்

கவனிக்க வேண்டியவை:-
1. மக்க வைக்கும் இடம் தாழ்வான பகுதியாக இருக்கக் கூடாது.
2. மக்க வைக்கும் இடத்தில் நிழல் இருக்க வேண்டும்
3. நார்க் கழிவை அடுக்கும் போது ஈரம் இல்லாவிடில் தண்ணீர் தெளித்து அடுக்க வேண்டும்
4. .மக்கும் காலமான 30 நாட்களிலும் நார்க் கழிவில் 200% ஈரம் இருக்க வேண்டும்.
5. 1 டன் நார்க் கழிவை மக்க வைக்க 5 புட்டி புளுரோட்டஸ் (சிப்பிக் காளான் ) காளான் வித்து பயன்படுத்த வேண்டும்.
6. நார்க் கழிவை மக்க வைக்கும் போது, காளான் வித்து, யூரியா ஆகிய எல்லாவற்றையும் ஒன்ளு சேர்த்து கலக்கிவிடக் கூடாது.

தென்னை நார்க் கழிவின் பயன்
• மண்ணின் கரிம்ப்பொருளை அதிகரிக்கிறது.
• இது தன்னுடைய எடையை போல் ஐந்து மடங்கு நீரை ஈர்த்து வைக்க கூடியது.
• தோட்டங்களில் மண்ணிலுள்ள நீரைத் தக்கவைத்துக் கொள்ள இதை போர்வையாக இடலாம்.
• களர், உவர் மற்றும் நல்ல நிலங்களுக்கும் தென்னை நார்க் கழிவு நல்ல பலன் கொடுக்கும்.
• மண்ணிலுள்ள நுண்ணுயிர்களின் செயல் திறனை அதிகரித்து மண்வளத்தை காக்கிறது.
• மண்ணிலுள்ள மேல் இருக்கத்தை சரி செய்கிறது.
• களைகளைக் கட்டுப்படுத்துகிறது.

எனவே அதிக விலைக்கு விற்கும் இரசாயன உரத்தினை தவிர்த்து வீணாகும் தென்னை நார்க் கழிவை உரமாக்கி பயன்பெறுவோம்.

தகவல் ஆதாரம் : பயிர்ப் பாதுகாப்பு மையம்
தமிழ் நாடு வேளாண் பல்கழைக் கழகம்.

Read More

தமிழ்நாட்டின் வேளாண் விளைபொருள் ஏற்றுமதி வாய்ப்புகள்

இந்தியாவிலிருந்து வேளாண் விளைபொருள் மற்றும் ஏராளமான இதர பொருட்கள் வெளிநாடுகளுக்கு ஏற்றுமதி செய்யப்படுகின்றன. உலக வர்த்தகத்தில் 1990 களில் 0.73 சதவீதமாக இருந்த இந்தியாவின் பங்கு 2005-06 இல் 1 சதவீதமாக உயர்ந்துள்ளது. உலக வர்த்தக நிறுவனம் செயல்பட ஆரம்பித்த பின்னரும் இந்தியாவின் வேளாண் பொருட்கள் ஏற்றுமதி கணிசமாக உயர்ந்து வருவது குறிப்பிடத்தக்கது. 1995௯6ல் ரூபாய் 20,344 கோடிக்கு வேளாண் பொருட்களை ஏற்றுமதி செய்த இந்தியா 2004-05ல் ரூபாய் 35,963 கோடிக்கு ஏற்றுமதி செய்துள்ளது என்று புள்ளி விவரங்கள் தெரிவிக்கின்றன. 2005-06ம் ஆண்டு இது ரூபாய் 50,000 கோடியாக இருக்கும் என்று தெரிய வருகின்றது.

பாசுமதி அரிசி, இதர அரிசி வகைகள், முந்திரி, நறுமணம் மற்றும் தாளிதமூட்டும் பொருட்கள், தேயிலை, பழங்கள், காய்கறிகள், பஞ்சு, நிலக்கடலை, எள் போன்றவை இந்தியாவிலிருந்து வெளிநாடுகளுக்கு அதிக அளவில் ஏற்றுமதி செய்யப்படுகின்றன. மேற்கூறிய அனைத்துப் பொருட்களும் தமிழ் நாட்டில் இருந்தும் பல்வேறு நாடுகளுக்கு அனுப்பப்படுகின்றன. தமிழ்நாட்டிற்கு அருகே உள்ள சிங்கப்பூர், மலேசியா மற்றும் தாய்லாந்து ஆகிய நாடுகளுக்கு தமிழ் நாட்டிலிருந்து என்ன வேளாண் பொருட்களை ஏற்றுமதி செய்யலாம் என்று வேளாண்மை மற்றும் ஊரக மேலாண்மைத் துறைப் பேராசிரியர் முனைவர்.ந.இரவீந்திரன், தோட்டக்கலைத்துறை பேராசிரியர் முனைவர்.மு.ஜவகர்லால் ஆகியோர் மேற்கூறிய மூன்று நாடுகளிலும் ஆய்வுகள் மேற்கொண்டனர். இந்நாடுகளில் முக்கிய வேளாண் விளை பொருட்களின் விலை நிலவரங்கள், அப்பொருட்களின் சுவை, மணம், நிறம், வடிவம், இந்நாடுகளில் வாழும் இந்திய / தமிழ் வம்சா வழியினரின் தேவைகள் இவற்றை ஆய்வு செய்து கீழ்க்கண்ட வேளாண் விளை பொருட்களை இந்நாடுகளுக்கு தமிழ் நாட்டில் இருந்து இலாபகரமாக ஏற்றுமதி செய்யலாம் என்று பரிந்துரைத்துள்ளனர்.

மலேசியா நாட்டிற்கு ஏற்றுமதி செய்ய அதிக வாய்ப்புகள் உள்ள வேளாண் பொருட்கள்

1.பொன்னி அரிசி 2. இட்லி அரிசி 3. துவரம்பருப்பு 4. உளுந்து 5.பச்சைப்பயிறு 6. கேரட், பச்சைப்பட்டாணி, பிரகோலி, பெரிய வெங்காயம், சின்ன வெங்காயம், முள்ளங்கி, வெண்டை ஆகிய காய்கறிகள் 7. மாதுளை, சப்போட்டா, திராட்சை, மா மற்றும் மாண்ட்ரின் வகை ஆரஞ்சுப்பழங்கள் 8.சிவப்புக் கொய்யா மற்றும் செவ்வாழைப்பழங்கள் 9.மசாலாப்பொடிகள்.

தாய்லாந்து நாட்டிற்கு ஏற்றுமதி செய்ய அதிக வாய்ப்புகள் உள்ள வேளாண் பொருட்கள்

1.பொன்னி அரிசி 2. இட்லி அரிசி 3. துவரம்பருப்பு 4. உளுந்து 5.பச்சைப்பயிறு 6. சின்ன வெங்காயம், பாகற்காய், முருங்கை, சிறிய இரகக் கத்தரிக்காய், கொத்தவரை, சேனைக்கிழங்கு, வெண்டை ஆகிய காய்கறிகள் மற்றும் கறிவேப்பிலை 7. மா மற்றும் சப்போட்டா பழங்கள்.

சிங்கப்பூருக்கு ஏற்றுமதி செய்ய அதிக வாய்ப்புகள் உள்ள வேளாண் பொருட்கள்

1.பொன்னி அரிசி, 2. பச்சரிசி, 3. இட்லி அரிசி, 4. மக்காச்சோளம், 5. துவரம்பருப்பு, 6. உளுந்து, 7. பச்சைப்பயிறு மற்றும் இதர பயறு வகைகள் 8. முருங்கை, சின்னக் கத்தரி, வெண்டை, அவரை, சிறிய உருளைக்கிழங்கு, வெங்காயம் (சிறியது மற்றும் பெரியது), சேனைக் கிழங்கு, கோவைக்காய் ஆகிய காய்கறிகள் 9. திராட்சைப்பழம், மாம்பழம் 10. புளி 11. மிளகாய் வத்தல், 12. கறிவேப்பிலை, 13. வெற்றிலை, 14. மல்லி மற்றும் முல்லை, கனகாம்பரம், சம்பங்கி, அரளி, துளசி மற்றும் மருவு (தவனம்) ஆகிய பூ வகைகள் 15. நெய் அனைத்து எண்ணெய் வகைகள் 16. நிலக்கடலை மற்றும் எள் பரிப்பிகள் 17. பட்டாணிக்கடலை, 18. தேன், 19. உலர்ந்த பழங்கள் மற்றும் காய்கறிகள் 20. பப்படம் / அப்பளம், 21. பொரித்த பருப்புகள், 22. மசாலாப் பொடிகள் 23. அரிசி அவல், 24. கடலை 25. பேரீட்சை மற்றும் பிற மளிகைச் சாமான்கள்.

தமிழ்நாட்டிலிருந்து மாதிரிக்கு (Sample) அனுப்பப்படுபவை தரமாக உள்ளன. ஆனால் ஒட்டு மொத்தமாக ஏற்றுமதி செய்யும் போது அந்தத்தரம் இருப்பது இல்லை என்று இறக்குமதியாளர்கள் தெரிவித்துள்ளனர். அது மட்டுமல்ல, முதல் இரண்டு அல்லது மூன்று முறைகள் அனுப்பும்போது பொருட்கள் நல்ல தரமாக உள்ளன. பின்னர் போகப் போக தரம் குறைந்து விடுகின்றன என்றும் இவர்கள் கூறியுள்ளனர். அதே போல் என்ன விலையானாலும் ஏற்றுமதியை தொடர்ந்து செய்ய வேண்டும். தமிழ்நாட்டில் விலை ஏறும் போது ஏற்றுமதியை நிறுத்தவோ அல்லது குறைக்கவோ கூடாது என்றும் தெரிவித்துள்ளனர்.
மேலும் விவரங்களுக்கு உள்நாட்டு மற்றும் ஏற்றுமதி சந்தைத் தகவல் மையத்தை www.tnagmark.tn.nic.in என்ற இணையதளத்திலும், tnaudemic@gmail.com என்ற மின் அஞ்சலிலும், 0422 / 2431405 என்ற தொலை பேசி மூலமாகவும் தொடர்பு கொள்ளும்படி கேட்டுக் கொள்ளப்படுகின்றனர்.

தகவல் ஆதாரம் : உள்நாட்டு மற்றும் ஏற்றுமதி சந்தைத் தகவல் மையம்

Read More

அக்டோபரில் மிளகாய் விதைக்கலாமா ?

தாளிதப் பொருட்களில் மிளகாய் மிகவும் முக்கியமானது ஆகும். அதன் காரத்தன்மை மற்றும் சிவப்பு நிறம் ஆகியவற்றிற்காக மிளகாய் விரும்பப்படுகிறது. உலக அளவில் ஆண்டுக்கு 15 இலட்சம் எக்டரில் பயிரிடப்பட்டு 70 இலட்சம் டன் மிளகாய் வத்தல் உற்பத்தி செய்யப்படுகிறது. இந்தியாவில் சுமார் 12 இலட்சம் டன் மிளகாய் வற்றல் உற்பத்தியாகிறது. மிளகாய் தமிழ்நாட்டில் 49,000 எக்டர் பரப்பளவில் பயிரிடப்படுகிறது. இராமநாதபுரம், தூத்துக்குடி, சிவகங்கை மற்றும் விருதுநகர் மாவட்டங்களில் இது அதிகமாகப் பயிரிடப்படுகிறது. தமிழ்நாட்டில் மிளகாய் விதைப்பு அக்டோபர் முதல் நவம்பர் வரை ஆகும். சந்தைக்கு மிளகாய் வரத்து ஜனவரி * ஏப்ரல் மாதங்களில் அதிகமாக இருக்கும்.
தமிழ்நாடு வேளாண்மைப் பல்கலைக்கழகத்தில் உள்ள உள்நாட்டு மற்றும் ஏற்றுமதி சந்தைத் தகவல் மையம், இராமநாதபுரம், பரமகுடி, விருதுநகர், தூத்துக்குடி மற்றும் சென்னை சந்தைகளிலும் மற்றும் மிளகாய் வர்த்தகர்களிடம் ஆய்வினை மேற்கொண்டனர். சந்தைத் தகவலின்படி, 2005-06ம் வருடத்தில் சீனா இந்தியாவிலிருந்து அதிகளவு மிளகாய் வற்றலை இறக்குமதி செய்தது. இதனால் வரலாறு காணாத விலையாக கிலோவுக்கு ரூபாய் 75 என்ற நிலையை அடைந்தது. அதன் காரணமாக மிளகாய் பரப்பளவு அதிகரித்தது. கடந்த ஆண்டு (2006-07) மிளகாய் சாகுபடியின் பொழுது பெய்த போதுமான மழையினால் விவசாயிகளுக்கு நல்ல மகசூல் கிடைத்தது. இதனால் இந்த ஆண்டு குண்டூரில் 45௫0 இலட்ச மூட்டைகளும் (40 கிலோ/மூட்டை), தமிழ்நாட்டில் 15 இலட்சம் மூட்டைகளும் (20 கிலோ/மூட்டை) குளிர்ப்பதனக் கிடங்கில் இருப்பு உள்ளது. இது தவிர தமிழ்நாடு மற்றும் குண்டூர் விவசாயிகளிடம் சுமார் 10௧4 இலட்ச மூட்டைகள் இருப்பு உள்ளது. கடந்த மாதத்தில் (ஆகஸ்டு, 2007) குளிர்ப்பதனக் கிடங்கில் சேமித்த ஒரு கிலோ மிளகாயின் விலை ரூ. 50௫5 ஆகவும், கிடங்கில் வைக்காத மிளகாயின் விலை ரூ.35 ஆகவும் இருந்தது.
உள்நாட்டு மற்றும் ஏற்றுமதி சந்தைத் தகவல் மையத்தின் திட்ட ஒருங்கிணைப்பாளர் முனைவர்.ந.இரவீந்திரன் மற்றும் முதுநிலை ஆராய்ச்சியாளர் செல்வி.வ.சி.பிரேமா ஆகியோர் விருதுநகர் சந்தையில் பெறப்பட்ட மிளகாயின் மாத விலைகளை ஆராய்ந்து முடிவுகளை வெளியிட்டுள்ளனர். இதன்படி அக்டோபர் மாதத்தில் விதைக்கப்பட்டு ஜனவரி 2008ல் அறுவடை செய்யப்படும் மிளகாய் வற்றலின் விலை குறைந்து, கிலோவிற்கு ரூ.25 முதல் 30 வரையே கிடைக்கும் என எதிர்பார்க்கப்படுகிறது. குண்டூர் மற்றும் தமிழ்நாடு ஆகிய இடங்களிலுள்ள குளிர்ப்பதனக் கிடங்கில் அதிகமான இருப்பு மற்றும் அதிக உற்பத்தி ஆகியன இவ்விலை வீழ்ச்சிக்கு முக்கியக் காரணங்களாகும்.
எனவே விவசாயிகள் அறுவடைக் காலத்தில் எதிர்பார்க்கப்படும் மிளகாய் வற்றலின் விலையான ரூ.25௩0 என்பதைக் கருத்தில் கொண்டு வரும் அக்டோபர் மாதத்தில் மிளகாய் நடவு செய்யலாமா அல்லது வேண்டாமா என்று முடிவு எடுக்கும்படி கேட்டுக் கொள்ளப்படுகின்றனர்.

மேலும் விவரங்களுக்கு உள்நாட்டு மற்றும் ஏற்றுமதி சந்தைத் தகவல் மையத்தை www.tnagmark.tn.nic.in என்ற இணையதளத்திலும், tnaudemic@gmail.com என்ற மின் அஞ்சலிலும், 0422 / 2431405 என்ற தொலை பேசி மூலமாகவும் தொடர்பு கொள்ளும்படி கேட்டுக் கொள்ளப்படுகின்றனர்.

தகவல் ஆதாரம் : உள்நாட்டு மற்றும் ஏற்றுமதி சந்தைத் தகவல் மையம்

Read More