10 ஆயிரம் விவசாயிகள் கைது

நெல் குவிண்டாலுக்கு ரூ.1000 வழங்க மத்திய அரசுக்கு கோரிக்கை
தமிழ்நாட்டில் ரெயில், சாலை மறியலில் ஈடுபட்ட
10 ஆயிரம் விவசாயிகள் கைது

நெல் குவிண்டாலுக்கு ரூ.1000 வழங்க மத்திய அரசை வலியுறுத்தி, தமிழ்நாட்டில் ரெயில், சாலை மறியல் போராட்டம் நடந்தது. போராட்டத்தில் ஈடுபட்டதாக மாநிலம் முழுவதும் 10 ஆயிரம் விவசாயிகள் கைது செய்யப்பட்டனர்.

தஞ்சாவூர், நவ. 28-

கோதுமைக்கு குவிண்டாலுக்கு ரூ.1,000 விலை நிர்ணயம் செய்து மத்திய அரசு சமீபத்தில் அறிவித்தது. ஆனால் உயர்ரக நெல்லுக்கு ரூ.775-ம், சராசரி ரகத்துக்கு ரூ.745-ம் நிர்ணயிக்கப்பட்டது.

இதைத்தொடர்ந்து கோதுமைக்கு வழங்கப்படுவது போன்று நெல்லுக்கும் விலை வழங்க வேண்டும் என்று அரசியல் கட்சிகள், விவசாயிகள் சங்கங்கள் கோரிக்கை விடுத்து இருந்தன.

போராட்டம்
இந்த நிலையில் நெல்லுக்கு ஒரு குவிண்டாலுக்கு ரூ.1,000 விலை நிர்ணயிக்க மத்திய அரசை வலியுறுத்தியும், மாநில அரசு ரூ.100 ஊக்கத்தொகையுடன் நெல்லை கொள்முதல் செய்யக்கோரியும் கம்ïனிஸ்டு ஆதரவு விவசாயிகள் சங்கம் உள்பட பல்வேறு விவசாயிகள் சங்கங்கள் தமிழ்நாட்டில் ரெயில் மற்றும் சாலை மறியல் போராட்டத்தில் ஈடுபடப்போவதாக அறிவித்தது.

தஞ்சை, நாகை, திருவாரூர் ஆகிய 3 மாவட்டங்களில் 24 மணி நேர போராட்டத்துக்கு அழைப்பு விடுக்கப்பட்டு இருந்ததால் நேற்று முன்தினம் நள்ளிரவு 12 மணிக்கே மறியல் தொடங்கியது.

தஞ்சை-திருவாரூர்தஞ்சை மாவட்டத்தில் தஞ்சை, பூதலூர், கும்பகோணம், திருவையாறு, பாபநாசம், வலங்கைமான், பேராவூரணி உள்பட 35 இடங்களில் சாலை மறியல் போராட்டம் நடைபெற்றது. இதில் மொத்தம் 1,798 பேர் கைது செய்யப்பட்டனர். இதில் பெண்கள் 248 பேர் ஆவர்.

திருவாரூர் ரெயில் நிலையத்தில் காலை 8 மணிக்கு திருச்சி செல்லும் ரெயில் புறப்பட தயாரானது. அப்போது விவசாய சங்க கூட்டமைப்பின் இணை பொதுச் செயலாளர் சத்தியநாராயணன் தலைமையில் விவசாயிகள் ரெயில் முன்பாக தண்டவாளத்தில் படுத்து போராட்டத்தில் ஈடுபட்டனர். போலீசார் சம்பவ இடத்திற்கு சென்று மறியலில் ஈடுபட்ட 15 பேரை கைது செய்தனர். இந்த மறியல் போராட்டத்தினால் 8 மணிக்கு புறப்பட வேண்டிய ரெயில் 10 மணிக்கு (2 மணி நேரம் காலதாமதமாக) புறப்பட்டுச் சென்றது.

எம்.எல்.ஏ.க்கள் கைது
திருத்துறைப்பூண்டியில் கே.உலகநாதன் எம்.எல்.ஏ. தலைமையில் மறியல் நடந்தது. பஸ், ரெயில் மறியல் போராட்டத்துக்கு ஆதரவாக வர்த்தக சங்கத்தினர் மதியம் 1 மணி முதல் மாலை 4 மணி வரை கடை அடைப்பு செய்தார்கள்.

மன்னார்குடி கீழ்பாலத்தில் இந்திய கம்ïனிஸ்டு கட்சியின் சட்டமன்ற குழுத் தலைவர் வை.சிவபுண்ணியம் எம்.எல்.ஏ. தலைமையில் மறியல் போராட்டம் நடந்தது. இதில் விவசாயிகள் பலர் கலந்து கொண்டனர். அனைவரும் கைது செய்யப்பட்டனர். நேற்று மாலை வரை திருவாரூர் மாவட்டத்தில் 36 இடங்களில் சாலை மறியலும், 5 இடங்களில் ரெயில் மறியலும் நடந்தன. சுமார் 2 ஆயிரம் பேர் கைதானார்கள்.

நாகை தலைமை தபால் நிலையம் முன்பு சாலை மறியல் போராட்டம் நடைபெற்றது. இந்த போராட்டத்திற்கு நாகை சட்டமன்ற உறுப்பினர் மாரிமுத்து தலைமை தாங்கினார். மறியலில் ஈடுபட்ட அனைவரையும் போலீசார் கைது செய்தனர். இதே போன்று மாவட்டம் முழுவதும் 12 இடங்களில் சாலை மறியல் நடைபெற்றது. மறியலில் ஈடுபட்ட 1,844 ஆண்கள் மற்றும் 369 பெண்கள் என மொத்தம் 2 ஆயிரத்து 213 பேரை போலீசார் கைது செய்தனர்.

திருச்சி

திருச்சி ஜங்சன் ரெயில் நிலையம் அருகே தமிழ்நாடு விவசாயிகள் சங்கம் சார்பில் நடந்த சாலை மறியல் போராட்டத்துக்கு தமிழ்நாடு விவசாயிகள் சங்கத்தின் மாநிலப் பொது செயலாளர் துரைமாணிக்கம் தலைமை தாங்கினார். மறியல் செய்த 24 பெண்கள் உள்பட 371 பேரை போலீசார் கைது செய்தனர்.

புதுக்கோட்டை, அறந்தாங்கி, கரம்பக்குடி, கீரமங்கலம் உள்பட 9 இடங்களில் நேற்று தமிழ்நாடு விவசாயிகள் சங்கம் சார்பில் மறியல் போராட்டம் நடந்தது. ஆலங்குடி எம்.எல்.ஏ. ராஜசேகர் உள்பட 600 பேர் மாவட்டம் முழுவதும் கைது செய்யப்பட்டனர்.

பாதிப்பு இல்லை
நேற்று ஆங்காங்கே மறியல் நடைபெற்ற போதிலும் பஸ் போக்குவரத்து பாதிக்கப்படவில்லை. ரெயில்களும் வழக்கம் போல் இயங்கின. மறியல் நடைபெற்ற நேரத்தைப் பொறுத்து, போக்குவரத்தில் சிறிது தாமதம் ஏற்பட்டது. மன்னார்குடி, கோட்டூர் பகுதிகளில் சாலைப் போக்குவரத்து பாதிக்கப்பட்டது. வேதாரண்யத்தில் இருந்து திருச்சி, தஞ்சை செல்லும் பஸ்கள் எதுவும் செல்லவில்லை.

காவிரி டெல்டா பகுதிகள் மட்டுமின்றி சேலம், விழுப்புரம், கடலூர், வேலூர், திருவண்ணாமலை, மதுரை, தேனி போன்ற மாவட்டங்களிலும் மறியல் போராட்டங்கள் நடைபெற்றன. காட்பாடியில் நடந்த போராட்டத்தில் லதா எம்.எல்.ஏ. உள்பட 350 பேர் கைதானார்கள்.

10 ஆயிரம் பேர் கைது

தமிழ்நாடு முழுவதும் போராட்டம் காரணமாக 10 ஆயிரம் விவசாயிகள் கைது செய்யப்பட்டனர். திருமண மண்டபங்களில் தங்க வைக்கப்பட்டிருந்த அவர்கள் அனைவரும் மாலையில் விடுதலை செய்யப்பட்டனர்.

நன்றி : தினத் தந்தி

Read More

காட்டாமணக்கு மானியம் தமிழக அரசு

காட்டாமணக்கு மானியம் : சாத்தூர் வர்த்தக சங்கம் வரவேற்பு

எண்ணெய் காட்டாமணக்கு செடி வளர்க்கவும், இதிலிருந்து பயோ-டிசல் தயாரிக்கவும் மானியம் வழங்கும் தமிழக அரசின் அறிவிப்பை சாத்தூர் வர்த்தக மற்றும் தொழில் சங்கம் வரவேற்றுள்ளது. தமிழக அரசு சமீபத்தில் வெளியிட்ட தொழில் கொள்கையில் எண்ணெய் காட்டமணக்கு வளர்க்கவும்,. பயோ-டீசல் தயாரிப்பிற்கும் மானியம் வழங்குவதாக அறிவித்தது.

இந்தியா பெட்ரோலிய பொருட்களின் தேவைக்கு வெளிநாடுகளையே நம்பி உள்ளது. இதன் இறக்குமதிக்கான செலவிற்கு நாட்டின் மொத்த அந்நிய செலவாணி சேமிப்பில் 60 விழுக்காடு செலவாகிறது. இந்த சூழ்நிலையில் எண்ணெய் காட்டாமணக்கு வளர்ப்பதற்கும், பயோ டீசல் தயாரிக்கும் தொழிற்சாலை அமைப்பதற்கும் 50 விழுக்காடு மானியம் வழங்குவதாக அறிவித்துள்ளது. அத்துடன் எண்ணெய் காட்டாமணக்கு கொட்டைக்கு கொள்முதல் வரியையும், இதிலிருந்து உற்பத்தி செய்யப்படும் எண்ணெக்கு 10 வருடம் மதிப்பு கூட்டு வரியில் இருந்து விலக்கு அளிப்பதாக அறிவித்துள்ளது வரவேற்கத்தக்கது.

டீசலுக்கு மாற்றாக எண்ணெய் காட்டாமணக்கு செடியின் கொட்டையில் இருந்து பிழிந்து எடுக்கப்படும் எண்ணெயை டீசலுடன் கலக்க முடியும். சர்க்கரை கழிவு பாகில் இருந்து உற்பத்தி செய்யப்படும் எதனால் பெட்ரோலில் சேர்ப்பது கட்டாயமாக்கப்பட்டுள்ளது. இதே போல் எண்ணெய் காட்டாமணக்கில் இருந்து உற்பத்தி செய்யப்படும் எண்ணெயை டீசலில் கட்டாயமாக கலக்க வேண்டும் என்ற விதிமுறை கொண்டுவர வேண்டும்.

பிரிட்டனைச் சேர்ந்த பன்னாட்டு நிறுவனமான டி.ஐ.ஆயில் என்ற நிறுவனம் பல்வேறு நாடுகளில் எண்ணெய் காட்டமணக்கு செடி வளர்த்து, அதிலிருந்து பயோ-டீசலை தயாரிக்கும் முயற்சியில் ஈடுபட்டுள்ளது. இந்த நிறுவனம் இந்தியாவில் அடுத்த நான்கு வருடங்களில் 3 லட்சத்து 50 ஆயிரம் ஹெக்டேர் நிலப்பரப்பில் எண்ணெய் காட்டாமணக்கு செடியை வளர்க்க உள்ளது.

இந்த வருடத்தின் இறுதிக்குள் இந்நிறுவனம் ஒரு லட்சம் ஹெக்டேர் நிலப்பரப்பில் எண்ணெய் காட்டாமணக்கு செடியை பயிரிட போகின்றது. இது தமிழ்நாடு, மத்திய பிரதேசம் உட்பட பல மாநிலங்களில் தனியார் நிறுவனங்களுடன் கூட்டு சேர்ந்து எண்ணெய் காட்டாமணக்கு பயிரிட போகிறது. இந்த மாதிரியான பன்னாட்டு நிறுவனங்களின் வருகையால் உள்நாட்டைச் சேர்ந்தவர்கள் பாதிக்கப்படாமல் அரசு உரிய நடவடிக்கை எடுக்க வேண்டும் என்று செய்திக் குறிப்பில் கூறப்பட்டுள்ளது.

நன்றி :வெப்துனியா

Read More

கருப்புத் தங்கம் காட்டாமணக்கு

தமிழகத்தின் பழமை வாய்ந்த மூலிகைச் செடியான இந்த கருப்புத் தங்கம் இந்தியத் திரு நாட்டில் குறிப்பாக தமிழ் நாட்டில் அதிக அளவில் பயிரிடப்படுகிறது. சிறு உழவர் முதல் பல பொரிய தனியார் நிறுவனங்கள் வரை இதன் முக்கியத்துவம் அறிந்து அதிக அளவில், தனியாகவும், ஒப்பந்த முறையிலும் பயிரிட முன்வந்துள்ளனர். இதனை தனிப்பயிராகவும், வேலிப்பயிராகவும், கலப்புப் பயிராகவும், இறவைப் பயிராகவும்,மானாவாரிப் பயிராகவும் வசதிக்கேற்ப பயிர் செய்யலாம்.

இவ்வளவு பெருமை உடைய அந்த கருப்புத் தங்கம் எதுன்ன அத நம்ம “ காட்டுக் கொட்டான் “ தானுங்க. இதன் பால் பல்வலி, வாதவலி, ஒற்றைத் தலைவலி போன்ற நோய்களை குணமாக்கும். மேலும் இதிலிருந்து பயோ டீசல் எனப்படும் திரவ எரிபொருள் தயாரிக்கப் படுகிறது. இதை சாகுபடி நல்ல பயன் பெறலாம்.

காட்டாமணக்கு சாகுபடி தொழில் நுட்பங்கள்
காட்டாமணக்கு ஒரு புதர் செடி. இதை ஆங்கிலத்தில் ஜட்ரேப்பா (JATROPHA) என்று அழைப்பார்கள். இதை ஒரு முறை நடவு செய்தால் 30 ஆண்டுகள் வரை தொடர்ந்து விளைச்சல் கொடுக்கக் கூடியது. இது சுமார் 2 மீட்டர் உயரம் வளரக் கூடியது. இதை கால் நடைகள் உண்பதில்லை. இதன் இலைகள் அகலமாகவும் கரும் பச்சை நிறத்திலும் இருக்கும். இதன் விதைகளை பறவைகளும் உண்பதில்லை. ஓரளவு வறட்ச்சியைத் தாக்குப் பிடித்து வளரக்கூடியது.

காட்டாமணக்கு பயிரிடுவதன் பயன்கள்

• காட்டாமணக்கு விதையிலிருந்து பயோ டீசல் எனப்படும் திரவ எரிபொருள் கிடைக்கிறது.
• விலை வீழுச்சி இல்லாத நிரந்தர வருமானத்தைக் கொடுக்கக்கூடியது.
• நாட்டின் பொருளாதார தற்சார்பை ஏற்படுத்தும்.
• கிராமப்புறங்களில் வேலை வாய்ப்பை உருவாக்கும்.
• குறைந்த நீர் கொண்டு வளரக்கூடியது.
• இதிலிருந்து தயாரிக்கப்படும் திரவ எரிபொருள் சுற்றுச்சூழலை மாசுபடுத்தாது.

காட்டாமணக்கு எண்ணையின் பயன்கள்

காட்டாமணக்கு விதையிலிருந்து 30 சதம் திரவ எரிபொருளும் மீதி 70 சதம் புண்ணாக்கும் கிடைக்கிறது.
• இந்த திரவ எரிடிபாருளை சுத்தப்படுத்தி டீசலுக்கு மாற்றாக இயந்திரங்களில் பயன் படுத்தலாம்.
• இதன் புண்ணாக்கை இயற்கை உரமாக வேளாண்மைக்குப் பயன்படுத்தலாம்.
• எண்ணையை சுத்தப்படுத்தும்பொது கிடைக்கும் கிளிசரால் என்ற உபரிப்பொருளை மருந்துகள் மற்றும் அழகுச்சாதனப் பொருள்கள் தயாரிக்கப் பயன்படுத்தலாம்.

தமிழகத்தில் பயிர் செய்யயக் கூடிய வகைகள்

உலகளவில் காட்டாமணக்கில் 476 வகைகள் உள்ளன. இந்தியாவில் 12 வகைகள் உள்ளன. இவற்றுள் ஜட்ரேப்பா குர்காஸ் என்னும் வகை தான் உலகளவில் எண்ணைக்காக சாகுபடி செய்யப்பட்டு வருகிறது. தமிழ்நாடு வேளாண்மைப் பல்கலைகழகத்தில் மேட்டுப்பாளையம் வனக்கல்லூரியில் தேர்வு செய்யப்பட்ட ஜட்ரேப்பா குர்காஸ் என்ற உயர் விளைச்சல் ரகங்களைப் பயன்படுத்தலாம். இந்த ஜட்ரேப்பா குர்காஸ் விதைகளை மடகாகஸ்கர், ஜிப்ம்பாவே தென் ஆப்பிரிக்கா ஆகிய நாடுகளிலிருந்து இறக்குமதி செய்தும் பயன்படுத்தலாம்.

சாகுபடிக்கேற்ற பருவங்கள் &மண் வகைகள்

காட்டாமணக்கை பருவ மழைக்காலத் தொடக்கத்தில் (ஜூன்- ஜூலை மற்றும் டிசம்பர்-அக்டோபர்) நடவு செய்யலாம். களர், உவர் இல்லாத அனைத்து வகை மண்ணிலும் நன்கு வளரக் கூடியது. தமிழகத்தில் நீலகிரி மாவட்டத்தைத் தவிர அனைத்து மாவட்டங்களும் இப்பயிர் சாகுபடிக்கு உகந்தது.

விதையளவு, விதை நேர்த்தி

ஒரு ஏக்கரில் 2 X 2 மீட்டர் இடைடிவளியில் 1000 செடிகள்
நடவு செய்யலாம். ஒரு கிலே விதையில் சுமார் 2000 விதைகள் இருக்கும். விதை முளைப்புத் திறன் 50 முதல் 60 சதம் இருக்கும். எனவே ஒரு ஏக்கருக்கு ஒரு கிலோ விதை போதுமானதாகும். விதைகளை அறுவடை செய்த ஒரு மாதத்திலிருந்து முன்று மாதத்திற்குள் நாற்று உற்பத்திக்கு பயன்படுத்த வேண்டும். முன்று மாதங்களுக்கு மேல் ஆகும்போது முளைப்புத் திறன் வேகுவாகக் குறைந்துவிடும். விதைகளை பசும் சாணம் கலந்த நீரில் 12 மணி நேரம் ஊறவைக்க வேண்டும். பின்னர் ஈரக் கோணிப் பையில் 12 மணி நேரம் மூடி வைக்க வேண்டும். முளை வெளி வந்த விதைகளை பாலித்தீன் பைகளில் விதைப்பதற்குப் பயன் படுத்தலாம்.

நாற்றுக்கள் தயாரிப்ப்பு

விதைகளை 10 X 20 செ.மீ பாலித்தீன் பைகளில் செம்மண், மணல், எரு ஆகியவற்றை 1:1:1 விகிதத்தில் கலந்து நிரப்பி நடவுக்குப் பயன்படுத்தலாம். பாலித்தீன் பைகளில் வடிகாலுக்காக அடிப்பாகத்தில் 4 துவாரங்கள் ஏற்படுத்த வேண்டும். முளைப்புக் கட்டிய விதைகளை 1 செ.மீ ஆழத்தில் படுக்கை வசமாக ஊன்ற வேண்டும். விதைகள் 10 நாட்களில் முளைக்கத் தொடங்கும்.
பூஞ்சாண நோய்கள் வராமல் இருக்க விதைப்பதற்கு முன்பு ஒரு சத போர்டோ கரைசல் அல்லது 0.2 சத காப்பர் ஆக்ஸிகுளோரைடு கரைசலை விதைப்பதற்கு
முன்பு பைகளில் ஊற்ற வேண்டும். இந்த நாற்றுப் பைகளை மாதத்திற்கு ஒரு முறை இடம் மாற்றி, வேர் மண்ணில் இறங்குவதைத் தவிர்க்க வேண்டும். 60 நாட்களில் நாற்றுக்கள் நடவுக்குத் தயாராகிவிடும். ஆறு முதல் எட்டு மாதங்களுக்கு நாற்றுகளைப் பைகளில் வைத்திருக்கலாம்.

நடவு வயல் தயாரிப்பு

தோட்டத்தைக் களைகளின்றி சமன்படுத்த வேண்டும். சட்டிக்கலப்பையால் ஒரு
முறையும், கொத்துக் கலப்பையால் ஒரு முறையும் உழவு செய்ய வேண்டும். பின்பு 2 X 2 மீட்டர் இடைவெளியில் 1 X 1 X 1அடி என்ற அளவில் குழிகள் எடுக்க வேண்டும். அந்தக் குழிகளில் 500 கிராம் தொழு உரம், 100 கிராம் சூப்பர் பாஸ்போட், 100 கிராம் வேப்பம் புண்ணாக்கை கலந்து இட்டு, நாற்றுக்களை நடவேண்டும்.

நாற்றுக்கள் நடவு

60 நாட்கள் வயதுடைய ஒரு அழ உயரமுள்ள நாற்றுக்களை நடவுக்குப் பயன்படுத்தலாம். பாலித்தீன் பைகளை எடுத்து விட்டு அந்த மண் உருண்டை கலையாமல் நடவு செய்ய வேண்டும். ஒரு குழிக்கு சூடோமோனஸ் 20 கிராம் இடவேண்டும். நடவு செய்த பின் செடியைச் சுற்றி நன்கு மிதித்து மண்ணை இறுகச் செய்ய வேண்டும்.

நீர் மற்றும் உர மேலாண்மை

செடிகளை நட்டவுடனும், மூன்றாம் நாளும் நீர்ப் பாய்ச்ச வேண்டும். மழை இல்லாதமாதங்களில் மாதம் இருமுறை நீர்ப்பாசனம் செய்வது அவசியம்.
இரண்டாவது ஆண்டு முதல் இதற்கு உரமிடுவது அவசியம். ஒரு செடிக்கு 20:120:60 என்ற விகிதத்தில் தழைச்சத்து, மணிச்சத்து மற்றும் சாம்பல் சத்துக்ளை இரண்டாகப் பிரித்து வருடத்தில் இரண்டு தவணைகளில் இடவேண்டும். நான்காவது ஆண்டிலிருந்து
இதோடு சேத்து மணிச்சத்தை மட்டும் 150 கிராம் அதிகப்படுத்திக்கொள்ளலாம்.
செடிகளை கவாத்து செய்த்தல் நட்ட செடிகள் ஒரு மீட்டர் உயரம் வளர்ந்தவுடன், வளரும் நுனியைக் கிள்ளிவிட வேண்டும். பக்கவாட்டில் வரும் கிளைகளின் நுனிகளையும் இரண்டாம் வருடம் இறுதிவரை கிள்ளிவிடவேண்டும். மூன்றாம் வருடம் தொடக்கத்தில் குறைந்த பட்சம் 25 பக்கக் கிளைகள் உள்ளவாறு பார்த்துக் கொள்ள வேண்டும். செடிகள் ஆறுமாதத்தில் பூக்க ஆரம்பித்துவிடும். பூக்கள் இருப்பினும் தளிர்களின் நுனிகளைக் கிள்ளி பக்கக் கிளைகளை ஊக்குவிப்பது அவசியம். செடியின் வளர்ச்சி அதிகமாகி கிளைகள் கீழ் நோக்கி வளைந்து வரத் தொடங்கும் தருணத்தில் (சுமார் 5 வருடங்களுக்குப் பிறகு) தரைமட்டத்திலிருந்து ஒரு அழ உயரம்விட்டு செடியை வெட்டி விட வேண்டும்.
வளர்ச்ச்சி ஊக்க்கி தெளிப்ப்பு
செடியில் பூக்கள் அபரிமிதமாக மலர ஜிப்ரலிக் அமிலத்தை 100 மி.கிராமை ஒரு லிட்டர் நீரில் கரைத்து (100பிபிஎம்) வருடத்திற்கு இருமுறை தெளிக்கலாம்.

ஊடுபயிர் சாகுபடி

முதல் இரண்டு வருடங்களில் செடிகளின் வரிசையின் இடையே தக்காளி, உளுந்து, பாகல், சாம்பல் பூசணி, பூசணி, வெள்ளரி ஆகிய பயிர்களை ஊடுபயிராக சாகுபடி செய்யலாம்.

பூச்ச்சி மற்றும் நோய் மேலாண்மை

பட்டை திண்ணி புதிய தளர்களின் பட்டையை சுரண்டி உண்ணும். இதைக்
கட்டுப்படுத்த எண்டோசல்பான் 3 மில்லி லிட்டரில் கலந்து தெளிக்க வேண்டும். இலை பிணைப்பான் என்ற பூச்சி வளரும் இலைகளைப் பின்னிப் பிணைந்து கூடாக மாற்றும். இதைக் கட்டுப்படுத்த எண்டோசல்பான் 3 மில்லியை ஒரு லிட்டரில் கலந்து தெளிக்கவேண்டும். தண்டு அழுகல் நோய் தாக்கப்பட்ட செடிகளின் தண்டின் அடிப்பாகத்தில் மண்ணொடு செருகின்ற இடத்தில் அழுகல் தோன்றும். தொடர்ந்து செடிகள் காய்ந்து விடும். இதைக் கட்டுப்படுத்த ஒரு சதம் பொர்டோ கரைசலை, செடியின் அடியில் தண்டினைச் சுற்றி மண்ணில் ஊற்றி நனைக்கவேண்டும்.

மகசூல்

பசும் காய்கள் முதிர்ந்தவுடன் மஞ்சள் நிறமாக மாறும். பின்புகாய்கள் காய்ந்து கருப்பு நிறமாக மாறிவிடும். ஒவ்வொரு காயிலும் மூன்று விதைகள் இருக்கும். வருடம் முழுவதும் பூத்துக் காய்க்கும் தன்மை கொண்டதால், மாதம் ஒரு முறை வருடந்தோறும் அறுவடை செய்யலாம். அறுவடை செய்யப்பட்ட காய்களை நன்கு உலர வைத்து காய்தொளிப்பான் முலம் விதைகளைப் பிரித்தெடுக்கலாம். பிரித்தெடுத்த விதைகளை உலரவைத்து கோணிப்பைகளில் சேமித்து வைக்கலாம். மூன்றாம் வருட இறுதியிலிருந்து ஒரு செடிக்கு சுமார் 3 கிலோ விதைகள் கிடைக்கும். ஒரு ஏக்கருக்கு 3000 கிலோ விதை உற்பத்தி செய்யலாம்.

மேலும் தகவலுக்கு
முதல்வர், வனக்கல்லூரி மற்றும் ஆராய்ச்சி நிலையம்,
மேட்டுப்பாளையம்-641 301

முதல்வர், தொட்டக்கலைக் கல்லூரி மற்றும் ஆராய்ச்சி நிலையம்,
கொயமுத்தூர்- 641 003
முதல்வர், வேளாண் பொறியியல் கல்லூரி, கோயமுத்தூர்- 641 003

தகவல் ஆதாரம் : இந்திய முன்னேற்ற நுழைவாயில் http://www.indg.in/ இணையதளத்திலிருந்து

Read More

மக்கிய தொழு உரம் தயாரித்தல்

தொழு உரம் தயாரிக்க 15 அடி நீளம், 8 அடி அகலம், 3 அடி ஆழம் என்ற அளவில் குழி வெட்ட வேண்டும்।


குழியில் அடுக்கடுக்காக சாணக்குப்பையை போட வேண்டும்.

முதல் அடுக்கில் முக்கால் அடி உயரத்திற்கு சாணக்குப்பையை போடவேண்டும். அன்றாடம் சேரும் சாணக்குப்பையை கொஞ்சம் கொஞ்சமாக இந்த குழியில் சேகரித்து வரலாம்.

முக்கால் அடி உயரத்திற்கு சாணக்குப்பையை வந்ததும், அதன் மேல் கால் அடி அளவு மண் போட்டு நிரப்ப வேண்டும்.

மண்ண போட்டு முடித்ததும், இரண்டாவ அடுக்கு ஆரம்பிக்க வேண்டும்.

இரண்டாவ அடுக்கில் முக்கால் அடி சாணக்குப்பையை போட்டு அதன் மேல் கால் அடி அளவு மண் போடவேண்டும்.
இரண்டாவ அடுக்க அமத்த பிறகு குழியில்மீதம் ஒரு அடி இருக்கும்.

இதில் மூன்றாவ அடுக்கு சாணக்குப்பையை போட்டு, கால் அடி மண் போடவேண்டும். குழி தரமட்டத்திற்கு நிரம்பிவிடும். குப்பை மக்க ஆரம்பித்தம் அடுக்குகள் இறங்கிவிடும். இதனால் பள்ளம் ஏற்படும். இத தடுக்க மேலும் தரமட்டத்திற்கு மேல் 1 அடி உயரம் மண் போடவேண்டும்.

மண் மேட்டின் மீது தண்ணீர் தெளித்து மெழுகிவிடவேண்டும். இது ஆறு மாதத்தில் நன்றாக மக்கிவிடும்.

வெட்டிப்பார்த்தால் கருகருவென மக்கிய தொழு உரம் காணப்படும்.

தொழு உரத்திலுள்ள சத்துகள் :

0.4-1.5 சதவிகிதம் தழைச்சத்து
0.3-0.9 சதவிகிதம் மணிச்சத்து
0.3௧.9 சதவிகிதம் சாம்பல் சத்து

நன்றி :http://www.indiagriline.com/

Read More

விவசாய கடன் அட்டைத் திட்டம்

பயிர் உற்பத்தி மற்றும் இடுபொருள் வாங்குதல் போன்ற சிறு அளவிலான பண தேவைகளை அதிக சிரமமின்றி உடனுக்குடன் வங்கி அமைப்புகளிலிருந்து பெற்றுத்தருவதே கிஸான் கடன் அட்டைத் திட்டத்தின் குறிக்கோளாகும்.

கிஸான் கடன் அட்டைத் திட்டத்தின் பலன் என்ன?
• பணப் பட்டுவாடா நடைமுறைகளை எளிமைப்படுத்துகிறது
• பணம் மற்றும் பொருள் வாங்குதல் தொட்ாபான பிரச்சனைகளை நீக்குகிறது
• ஓவ்வொரு பயிருக்கும் தனித்தனியாகக் கடனுக்கு விண்ணப்பிக்கத் தேவையில்லை
• எந்த நேரத்திலும் உறுதியாகக் கிடைக்கக்கூடியதால் விவசாயிகளுக்கு வட்டிச்சுமையை வெகுவாக குறைக்கக்கூடியது
• விதைகளையும் உரங்களையும் விவசாயிகள் தங்கள் வசதி மற்றும் தேர்வுக் கேற்றவகையில் வாங்கிக்கொள்ளலாம்
• வாங்கும்போதே முகவர்களிடமிருந்து தள்ளுபடி பெற்றுக்கொள்ளலாம்
• மூன்று வருடங்களுக்கான கடன் வசதி உண்டு. பருவகால மதிப்பீடுகள் தேவையில்லை
• விவசாய வருமானம் அடிப்படையில் அதிகபட்ச கடன் வரம்பு உண்டு
• கடன் வரம்பை பொறுத்து எந்தத் தொகையையும் பெற்றுக்கொள்ளலாம்
• பணம் திரும்பச் செலுத்துதல் அறுவடைக்குப் பிறகு மட்டுமே
• விவசாய கடனுக்கு வழங்கப்படும் அதே வட்டி விகிதம்
• விவசாய கடனுக்கு வழங்கப்படும் அதே கடன் உத்திரவாதம், பாதுகாப்பு, குறிப்பிட்ட வரம்பு மற்றும் ஆவண நிபந்தனைகள்

கிஸான் கடன் அட்டையைப் பெறுவது எப்படி?

• உங்கள் அருகாமையிலுள்ள பொதுத்துறை வங்கிகளை அணுகி தகவல்களைப் பெறுங்கள்
• தகுதியுடைய விவசாயிகள் கிஸான் கடன் அட்டையையும் வங்கி பாஸ் புத்தகத்தையும் பெறுவார்கள். இது உடையவரின் பெயர், முகவரி, வைத்திருக்கும் நிலம் பற்றிய விபரம், பணம்பெறும் வரம்பு, செல்லுபடியாகும் காலம், பாஸ்போர்ட் அளவு புகைப்படம் ஒன்று ஆகியவற்றைக் கொண்டிருக்கும். மேலும் இது, அடையாள அட்டையாகவும் தொடர்செயல்பாடு அடிப்படையிலான நடவடிக்கைகளின் பதிவை வசதிசெய்யும் வகையிலும் பயன்படும்.
• பணம் பெறுவர் அட்டையும் பாஸ் புத்தகத்தையும், அந்தக் கணக்கை செயல்படுத்திக்கொள்ளும்போது சமர்ப்பிக்க கோரப்படுகிறார்.
முன்னணி வங்கிகளின் கிஸான் கடன் அட்டைகள்

• அலகாபாத் வங்கி - கிஸான் கடன் அட்டை
• ஆந்திரா வங்கி - ஏ பி கிஸான் பச்சை அட்டை
• பரோடா வங்கி - பி கே சி சி
• இந்திய வங்கி - கிஸான் சமாதன் அட்டை
• கனரா வங்கி - கிஸான் கடன் அட்டை
• கார்ப்பரேஷன் வங்கி - கிஸான் கடன் அட்டை
• தீனா வங்கி - கிஸான் தங்க கடன் அட்டை
• ஓரியண்ட் காமர்ஸ் வங்கி - ஓரியண்டல் பச்சை அட்டை
• பஞ்சாப் தேசிய வங்கி - பிஎன்பி கிருஷி அட்டை
• ஹைதராபாத் ஸ்டேட் வங்கி- கிஸான் கடன் அட்டை
• இந்திய ஸ்டேட் வங்கி - கிஸான் கடன் அட்டை
• சிண்டிகேட் வங்கி - எஸ் கே சி சி
• விஜயா வங்கி - விஜய கிஸான் அட்டை

இந்தியாவில் வேளாண் கடன் வழங்கும் வங்கிகள்

வங்களின் தேசியமயமாக்கல் என்பது, வேளாண்மையை பிரதானத் தொழிலாகக் கொண்ட பல்வேறு தொழில்கள் சார்ந்த பொருளாதார மண்டலங்களுக்கு கடன்வசதி செய்து தருவதற்கான சிறந்த நடவடிக்கையாகும். ஆற்றல் வாய்ந்த வளர்ந்துவரும் வேளாண் துறைக்கு, அதன் எல்லாவித வளர்ச்சியையும் துரிதப்படுத்துவதற்கு வங்கிகள் மூலம் போதுமான நிதி தேவைப்படுகிறது. 2004 - 05 லிருந்து தொடங்கும் மூன்று வருடங்களுக்கு, வேளாண்துறைக்கான கடனை இரட்டிப்பாக்கும்படி இந்த வங்கிகளை அரசு அறிவுறுத்தியுள்ளது. பதினொன்றாம் ஐந்தாண்டுத் திட்டத்தில், அரசு விவசாயத்திற்கு அளித்துள்ள சிறப்பு கவனம் மற்றும் நிதி ஒதிக்கீடு, இவற்றுடன் வங்கிகளால் அறிவிக்கப்பட்டுள்ள திட்டங்களின் பயன்களைப் பெறுவது இப்போது விவசாயிகளின் கையில்தான் உள்ளது. பின்வருபவை, சில தேசியமமாக்கப்பட்ட வங்களின் கடன் வாய்ப்புகளின் பட்டியலாகும்.

ஆந்திரா வங்கி (www.andhrabank-india.com)
• ஆந்திர வங்கியின் கிசான் பச்சை அட்டை
• தனிமனித விபத்துக் காப்பீட்டுத் திட்டத்தின் கீழ் பாதுகாப்பு

பரோடாவங்கி (http://www.bankofbaroda.com/ )
• மானாவாரி விவசாயத்திற்கு பழைய டிராக்டர்களை வாங்குதல்
• வேளாண் மற்றும் கால்நடை இடுபொருட்கள் வழங்கும் முகவர்கள்/ விநியோகஸ்தர்கள்/ விற்பனையாளர்களுக்கான நடப்பு முதலீடு
• வேளாண் இயந்திரங்களை வாடகைக்கு அமர்த்திக்கொள்ளுதல்
• தோட்டக்கலை வளர்ச்சி
• கறவை மாடு வளர்ப்பு, பன்றி வளர்ப்பு, கோழி வளர்ப்பு, பட்டுப்புழு வளர்ப்பு போன்ற தொழிலில் ஈடுபட்டிருப்போருக்கு நடப்பு முதலீடு
• ஷெட்யூல்ட் வகுப்பினர் மற்றும் பழங்குடியினர் வேளாண் உபகரணங்கள், கருவிகள், உழவு மாடுகள் வாங்குவதற்ககும், நீர்ப்பசான வசதிகளை உருவாக்குவதற்குமான நிதி உதவி.

பாங்க் ஆப் இந்தியா (http://www.bankofindia.com/)

• ஸ்டார் பூமீஹீன் கிஸான் அட்டை - கூட்டு முறையில் விவசாயம் செய்வோர், எழுத்தின் படி மற்றும் எழுத்து மூலமற்ற குத்தைதாரர்கள் ஆகியோருக்கு
• கிஸான் சமாதான் அட்டை - பயிர் சாகுபடி மற்றும் அதை சார்ந்த இதர முதலீடுகளுக்கு
• பி.ஓ.ஐ. ஷதாப்தி கிருஷி விகாஸ் அட்டை - விவசாயிகளுக்கான எந்நேரமும் எவ்விடத்திலுமான மின்னணு வங்கி அட்டை
• வீரிய ஒட்டு விதை உற்பத்தி, பருத்தி ஆலை, சர்க்கரை ஆலை ஆகியவற்றிற்கு ஓப்பந்த வேளாண்மைக்கான நிதி உதவி
• சுய உதவிக்குழுக்கள் மற்றும் மகள்ிா மேம்பாட்டிருக்கான சிறப்புத் திட்டங்கள்.
• ஸ்டார் ஸ்வராஜ்கர் பிரஷிக்ஷன் சன்ஸ்தான் விவசாயிகளுக்கு தொழில்முனைவோர் பயிற்சி வழங்குவதற்கான ஒரு புதிய முயற்சி
• பயிர்க் கடன்கள் - மூன்று லட்சம் வரை (வருடத்திற்கு ஏழு சதவீத வட்டியில்)
• பிணை உத்தரவாதம்: 50000 ரூபாய் வரை, பிணை உத்தரவாதம் எதுவும் தேவையில்லை. ஆனால் 50000 ரூபாய்க்கு மேல், இந்திய ரிசர்வ் வங்கியின் உத்தரவுகள் கடைபிடிக்கப்படும்

தேனாவங்கி (http://www.denabank.com/)

தேனா குஜராத், மகாராஷ்ரா, சட்டீஸ்கர் மற்றும் யாத்ராவின் யு.டி. மற்றும் நகர் ஹாவேலி ஆகியற்றில் சிறப்பாக செயல்பட்டு இருக்கும் வங்கி தீனா வங்கியாகும்.

• தேனா கிஸான் தங்கக்கடன் அட்டைத் திட்டம்
• அதிகபட்சம் பத்துலட்சம் ரூபாய்வரை கடன் அளிக்கப்படும்
• குழந்தைகளின் கல்வி உட்பட வீட்டுச் செலவுகளுக்காக பத்து சதவீதம்வரை அளிக்கப்படும்
• ஒன்பது வருடம்வரை திருப்பிச் செலுத்த நீண்ட கால அவகாசம்
• வேளாண் உபகரணங்கள், டிராக்டர்கள், நீர்தெளிப்பு/ சொட்டுநீர் பாசனமுறைகள், மின்சார பம்ப் செட்டுகள் போன்ற எல்லா விதமான வேளாண் முதலீட்டிற்கும் கடன் கிடைக்கும்
• ஏழு சதவீத வட்டியில் மூன்று லட்சம் ரூபாய்வரை குறுகிய காலப் பயிர்க் கடன்
• விண்ணப்பபித்த பதினைந்து நாட்களுக்குள் கடன்கள் வழங்கப்படும்
• 50000 ரூபாய் வரையிலான வேளாண் கடன் மற்றும் வேளாண் ஆலோசனை மையம், வேளாண் வர்த்தக மையங்களுக்கான கடனுக்கு, 5 லட்சம் ரூபாய் வரையிலும் பணய உத்தரவாதம் தேவையில்லை

ஒரியண்டல் காமர்ஸ்வங்கி (http://www.obcindia.com/)
• ஓரியண்ட்ல் பச்சை அட்டைத் திட்டம்
• வேளாண் கடன்களுக்கான ஒருங்கிணைந்த கடன் திட்டம்
• குளிர்பதன அறைகள் / பண்டக சாலைகள் நிறுவுதல்
• முகவர்களுக்கான நிதி உதவி

இந்திய ஸ்டேட் வங்கி (http://www.statebankofindia.com/)
• சிண்டிகேட் கிஸான் கடன் அட்டை
• சூரிய அடுப்பு திட்டம்
• வேளாண் ஆலோசனை மையம மற்றும் வேளாண் வியாரபார மையங்கள்
விஜயா வங்கி (http://www.vijayabank.com/)
• சுய உதவிக் குழுக்களுக்கான கடன்கள்
• விஜயா கிஸான் அட்டை
• விஜயா பிளான்டர்ஸ் அட்டை
• கிராமத் தொழிற்சாலைகள் மற்றும் கைவினை கஞைர்களுக்கான கே.வி.ஐ.சி. திட்டம்

பயனுள்ள வங்கித்தொடர்புகள்


• பஞ்சாப் வங்கி (http://www.bankofpunjab.com/)

• ராஜஸ்தான் வங்கி (http://www.bankofrajasthan.com/)

• கனரா வங்கி (http://www.canbankindia.com/)

• சென்ட்ரல் பேங்க் ஆஃப் இந்தியா (http://www.centralbankofindia.co.in/)

• கார்ப்பரேஷன் வங்கி (http://www.corpbank.com/)

• இந்தியன் வங்கி (http://www.indianbank.in/)

• இந்தியன் ஓவர்சீஸ் வங்கி (http://www.iob.com/)

• இந்தியத் தொழில் முன்னேற்ற வங்கி (http://www.idbibank.com/)

• மைசூர் ஸ்டேட் வங்கி (http://www.mysorebank.com/)

• இந்திய யூனியன் வங்கி (http://www.unionbankofindia.co.in/)

• இந்திய யுனைடட் வங்கி (http://www.unitedbankofindia.com/)

• யூடிஐ வங்கி (http://www.utibank.com/)

தகவல் ஆதாரம் : இந்திய முன்னேற்ற நுழைவாயில் http://http://www.indg.in/agriculture/credit/bb5bc7bb3bbeba3bcdb95b9fba9bcd/ என்ற இணையதளத்திலிருந்து

Read More

ஏக்கருக்கு ரூ.10 ஆயிரம் நிவாரணம்

ஏக்கருக்கு ரூ.10 ஆயிரம் நிவாரணம் : விவசாயிகள் சங்கம்

மழை வெள்ளத்தால் சேதமடைந்த நெல் சாகுபடிக்கு ஏக்கருக்கு ரூ।பத்தாயிரம் நிவாரணம் வழங்க வேண்டும் என்று தமிழ்நாடு விவசா‌யிகள் சங்கம் தமிழக அரசை வலியுறுத்தியுள்ளது.
வடகிழக்கு பருவமழையில் காவேரி பாசனப் பகுதிகளிலும், கடலூர், விழுப்புரம் மாவட்டங்களில் சாகுபடி செய்த நிலத்தில் தண்ணீர் தேங்கி பயிர்கள் நாசமாகி உள்ளன. இதற்கு மாநில அரசு உரிய நிவாரணம் வழங்க வேண்டும் என்று விவசாயிகள் கோரி வருகின்றனர்.
இது குறித்து தமிழ்நாடு விவசாயிகள் சங்கத்தின் பொதுச் செயலாளர் கே.பாலகிருஷ்ணன் வெளியிட்டுள்ள அறிக்கையில் கூறியிருப்பதாவது:
வடகிழக்கு பருவமழை தீவிரமடைந்து தமிழகத்தின் பெரும்பாலான மாவட்டங்களில் வெள்ள பாதிப்பு ஏற்பட்டுள்ளது. ஏரிகள், கால்வாய்கள், கண்மாய்கள் உடைந்து வேளாண் பயிர்களும், ஏழை மக்களின் குடிசைகளும் வெள்ளத்தில் மூழ்கியுள்ளன. பல கிராமங்களில் போக்குவரத்து பாதிக்கப்பட்டுள்ளது.கடலூர், நாகப்பட்டினம், திருவாரூர், தஞ்சை மாவட்டங்க‌ளில் மட்டும் ஆறரை லட்சம் ஏக்கருக்கு மேல் சம்பா சாகுபடி அழிந்துள்ளன.

அறுவை செய்ய வேண்டிய குறுவை சாகுபடியும் அழிந்துள்ளது. நிலக்கடலை, மரவள்ளி, வாழை, கரும்பு உட்பட அனைத்து பயிர்களும் சேதமடைந்து வருகின்றன.ஏராளமான கிராமங்களில் வெள்ளம் புகுந்து குடிசைகள் சூழ்ந்துள்ளன. மூன்று லட்சம் மக்கள் குடிசைகளை விட்டு வெளியேறியுள்ளனர். சில லட்சம் மக்கள் வெளியேற முடியாமல் தவிக்கின்றனர். 22 பேருக்கு மேல் உயிரிழந்துள்ளனர்.

சேதமடைந்த நெல் சாகுபடிக்கு ஏக்கருக்கு ரூ.10 ஆயிரம் நிவாரணமும், நிலக்கடலை, வாழை, கரும்பு உட்பட இதர பயிர்களுக்கு உரிய நஷ்ட ஈடும் வழங்க வேண்டும். விவசாய தொழிலாளர்களின் குடும்பங்களுக்கு தலா 20 கிலோ அரிசியும், வேலை கிடைக்கும் வரை நிவாரணத் தொகையும் வழங்க வேண்டும். இடிந்து போன வீடுகளுக்கு தலா ரூ. 10 ஆயிரமும், இறந்தவர்களின் குடும்பங்களுக்கு தலா ரூ. 2 லட்சமும் வழங்க வேண்டும். தமிழகத்தில் பயிர் காப்பீட்டு திட்டத்தை முழுமையாக செயல்படுத்த வேண்டும். உபரி தண்ணீரை தேக்கி வைத்து பயன்படுத்தும் மாற்று ஏற்பாடுகள் இல்லாததால். இத்தகைய இயற்கை இடர்பாடுகள் தொடர்கதையாகி வருகின்றன.வெள்ளத்தை கட்டுப்படுத்த மாற்று ஏற்பாடுகள் குறித்து ஆய்வு செய்ய உயர்மட்ட நிபுணர்கள் குழுவை அமைக்க வேண்டும் எ‌ன்று கே.பாலகிருஷ்ணன் கூ‌றியுள்ளார்.

நன்றி :Webdunia வியாழன், 1 நவம்பர் 2007

Read More